“قّاح ؤنّا إغـران إ ييسم ن سيدنا عيسى أد إتّوفوكّو” إسكّـينّ نّا ݣان إمازانّ 2 : 21
ماي نْمَس نوكني؟
نوكني إمومن إمازيغـن إمسيحين نّا إݣان نّييْت نسن ݣ ربّي أها تْوَكّلَن خف واوال نس نّا إلّان ݣ لشتاب إقـَدّسن حما أداخ إݣوّد ݣ تودرت نخ.
لا نتّيري أ نّتفور سيدنا عيسى لمسيح أها نݣ س واوال ن لإنجيل. لا نتّامن إس لشتاب إقـَدّسن ماشي أم لشتُب ياضن ماشان نـتّا أوال ن ربي أيد إݣا (2 تيموتاوُس 3:16 ) نّا إساوالّ إ ميدّن كول ݣ دّونيت، إنݣراسن إمازيغـن.
ما دا نتّعباد نوكـني؟
لا نتّعباد ربّـي إويل نس غاس نـتّا نّاد إدّان غورخ س إسم ن سيدنا عيسى لمسيح أوال نس حما أد إعيش إنگـراخ أها يوش تودرت نس حما أد إغفر دّنوب ن ميدّن كول د إمازيغـن أگيدسن.
لا نتّعباد ربي س رّوح نس د كول لحقّ ن واوال نس نّا إلّان گ لشتاب إقـَدّسن (يوحنّا 4: 24).
سّغد إ لباراميج ن رّاديو س تمازيغت گ لانتيرنيت : « ماتـّا نتـّا سيدي ربّي؟ 1» د « ماتـّا نتـّا سيدي ربّي؟ 2.»
فرّج س لموسيقى :
ماي دا نورزّو؟
لا نتّيري أ نّسباين أها نـَنعت إ لّومت نخ ن إمازيغـن لقوّا تاروحيت ن لشتاب إقـَدّسن.
أمشيد كو يوك زيگـنخ أد ييلي غورس رّاي نس نّا إبنان خف لحقّ ن واوال ن ربّي. إدّخ س لشتاب إقـَدّسن كو يوك أد ييغـييْ أد ييسين ربي أها إبنو ليمان نس خف لْساس إصحان. لا نتّيري أداون نغـر غـر لمسيح حما أ تّيلي غورون يوت ن لعلاقا تاكسْواتّ أگيدس نـتّا نّا إنـّان : « نك أيد إگان أبريد د لحق د تودرت. أگّد يوك ؤر إتّيغـييْ أد إدّو غـر إبّا (زعما ربي) بلا نكّين » (يوحنّا 14: 6).
لازم أ نّيسين إس إبليس (شيطان) لا إتّيسين مزيان ميمش إعـدّال شيگان ن إبردان إتشاباهن أبريد ن لحق نّا إتّاوين غـر ربي (2 كورِنتوس 11: 14).
فرّج س لموسيقى:
ماتّا نتّا إبليساد، أعداو ن ربّي د ميدّن؟
4. ماتّا نتّا إبليساد، أعداو ن ربّي د ميدّن؟
ربي إخلق شيگان ن لملايكات گ إگـنّا إ لخدمت نس. شيطان نـتّا أيد إگان لملاك أخاتار نّا إقـرّبن إ ربي. ألـّيگ يانّاي أنسا نّاس يوشا ربـي أها ياف وول نس ييري أد يامژ أنسا ن ربي (إشَعْـيا 14: 14)، إرا أد إنگـلب خف سيدي ربي نّات إخلقـن.
سيدي ربي گ تـزدگي نس ؤر دا إتـَّـقبال رّاي أم واد. داي إگر س إبليس علا برّا ياويد أگيدس شيگان ن لملايكات نّات إتفورن. داي إگ أگيدسن يوك ؤجمّوع ن إد إبليس إعدّان نّا إتعـكّاسن لخدمت ن ربي گ دّونيت كول أل ؤسّان نّاد نوسا.
ألّيگ يانّاي إسْد ييوي أگيدس شيگان ن لملايكات زگ إگـنّا، إرا أد إگ أمشيس نـّيگ ن واشال س لخليـقـت ن ربي س ؤماتا بنادم نّا إخلق سيدي ربي خف سّيفت نس.
سّغد إ لبرنامج ن رّاديو س تمازيغت گ لانتيرنيت : « لملايكات د إبليس ».
ماتـّا نتّا بنادم، لخليقت ن ربّي إسّدهاشن؟
بنادم نـتّا أيد إگان لخليقت نّا إعدل ربي خف سّيفت نس (تيزويري 1: 26 ـ 27). ميمش؟
سيدي ربي إخلق بنادم س وول حما أد ييري سيدي ربي. سيدي ربي إخلق بنادم س وانلي حما أد إمساوال د ؤنّات إخلقن. سيدي ربي إخلق بنادم إحُرّا حما أد إختار أد إعبد سيدي ربي. أدم، أرياز أمزوارو، إكّا إغييْ أد إضاع ربي گ وول نس د لفعايل نس كول. إكّا إغييْ أد إعـيش گ لهنا د لمان نـتّا د سيدي ربي نّات إعدلن.
سيدي ربي إخلق بنادم إ لعزّ نس، ماشا دّنوب ؤر ؤدجين بنادم أد إفرح س ؤنّات إخلقن. ميمش؟ غر أينّاد إدّان.
سّغد إ لباراميج ن رّاديو س تمازيغت گ لانتيرنيت : « ماتـّا نتـّا بنادم؟ 1 » د « ماتـّا نتـّا بنادم؟ 2 ».
فرّج لفيلم :
مايد إگان دّنوب؟
ضارت ن مايد إخلق ربّي أدم د حُوّاء, تمطـّوط ّ نس، إدّود غورسن إبليس دغيا أها إبدو أر إساوال إ تمطـّوط ّ حما أد إسّخسر لعلاقا نّا إلّان إنگراسن د ؤنّاتن إخلقن (تيزويري 3:1).
س تحراميات نس ييوض ألّيگ إكشم ؤل ن بنادم نّا إران نّيت أگّد نـتّا أد إگ أم ؤنّات إخلقن، أد يـيـسين لخير د شّـر (أينّا إژيلّ د ؤينّا ؤر إژيلّ) (تيزويري 3: 5).
ألّيگ إعصا بنادم لوصيت ن ربـي نّا إسّحرمن غيفس أد إتش زگ تخليدجت ن توسنا ن ؤينّا إژيلّ د ؤينّا ؤر إژيلّ، (تيزويري 2: 17) ديس أيد إدنب ضدّ ن ؤنّات إخلقن.
دّنوب ماشي غاس أدّايْ إعصا بنادم ربي س رّاي نغد س لفعايل، ماشا دّنوب نيتـني لأصل نغد تغبالوت نّا زگ داد تـّـدّون إخمّيمن نّا ياكّان لفعايل ؤر إژيلّ دات ن ربي. دنوب نيتـني أدّايْ ؤر يگي بنادم أينّا خفت إخلق ربي حما أد إمجّد ؤنّات إخلقن.
دنوب لاد تّاوين لموت، وَلايّْـنّي س تـيتّ لموت أيد إگان لخلاص ن دّنوب (تبرات ن روما 6:23).
سّغد إ لباراميج ن رّاديو س تمازيغت گ لانتيرنيت : « دّنوب » .
ماتّا نتّات لموت، أعداواد نّا إسّخلاعن ميدّن كول؟
ضارت ن مايد إخلق ربّي بنادم، إسّحرم غيفس أد إتش زگ لغلّت ن تخليدجت ن توسنا ن ؤينّا إژيلّ د ؤينّا ؤر إژيلّ، حما أد ور إمّت (تيزويري 2: 17). والايـْـنّي بنادم إختار إ إخف نس أد إتفـور رّاي ن إبليس أعداو نس أها إعصو ؤنّات إخلقن (تيزويري 3: 6). س لفعايلاد بنادم إسّخسر لعلاقا إنگراس د ربي يافـن إخف نس إبعد إ ؤنّات إخلقن، تاد أيد إگان لموت تمزواروت (لموت تاروحيت) (تبرات ن أفـَسُس 2: 1).
زگ لوقـتـنّا لموت تيس سنات (لموت ن دّات) لا تخدّم گ بنادم ألت ترار غر أشال أمشينـّاد إنّا لحشام ن ربي : «...إدّخ تـفّـغـد زگ واشال أ تـّعايد غر أشال » (تيزويري 3: 19). إد لموت تيس شراط ّ (أهلاش ن وابدا) أدّ تـدّو ضارت ن واسّ أخاتار ن لحشام ن ربي. والاينّي س لمحيبّا ن ربي د نّعـمت نس، نـتّا إرا أد إفوكـّو بنادم زگ لموت (يوحنّا 11: 25 ـ 26) أها إعدل يوت ن لعلاقا توجديتّ إنگراسن نـّا إبنان خف لعمل ن سيدي ربي ماشي خف لفعايل ن بنادم.
مايد إݣان نّعمت ن ربّي؟
نّعمت ن ربي ماشي غاس أغروم د ووتشي أيت إگان، ماشا توكّي نس نّا ؤر إستاهل بنادم أها يوشاست سيدي ربي س تايري نس. توكّيـياد لات ياكّا ربي إ كول إمعصي نّا إتوبن زگ لفعايل نس، نتّات أيد ياكّان أفوكّو إ ميدّن (تبرات ن تيطُس 2: 11، تبرات ن أفـَسُس 2: 5، 8) أها إتّوبرّار فابور (تبرات ن روما 3: 24، تبرات ن تيطُس 3: 7).
ربي س تايري نس د رّحمت نس (يوحنّا 3: 16، تبرات ن أفـَسُس 2: 4 ـ 5) أس إسراح بنادم زگ لعقوبيت نّاد ييوي غيفس إبليس أعداو نس أمزوارو. ماشا سيدي ربي لامين أيد يگا أها إعدل گ لحشام نس إزدّيگ ؤر دا إتـّقبال دّنوب. لا إتّيري بنادم ماشا لا إشرّه دنوب ن بنادم.
أياد أخف إلازم شا ن يوك أد إخلّص تّمن ن دنوب گ وانسا ن بنادم. شا ن يوك نّا ؤردجين إدَنـْبَن أها ييري أد إمّت گ وانسا ن بنادم إمعصي.
ألّيگ ؤر يوفي سيدي ربّي شا ن بنادم بلا دنوب (تبرات ن روما 3: 23) أها إغرس إ ؤعلّوش نّا ؤر إلّي شا ن لعيب حما أد إفوكّو تامكروست نّاد إگا أدم د حواء س لمعصيت نسن. أعلّوشـنّاد لا إتمتّال أفـكّاك ن دّونيت نّا إعوّل أدّ إدّو گ لوقت نّا تختار لحكما ن ربي حما أد إشمّل أفوكّو نّيگ ن صّليب (نغد إسيگـَل).
فرّج لقيست نـّا إعاود سيدنا عيسى خف نـّعمت ن ربّي:
مايد إگان أفوكّو/ أفّوكّا ؟
أفوكّو نتّا أدّاي إفدا سيدي ربّي بنادم إمعصي نّا يومنّ گ دّبيحت ن سيدنا عيسى نّيگ ن صّليب (إخلّص غيفس س إدامّن ن ؤفكّاك). ربي لا إتفوكّو ؤنّا يومن گ ؤفكّاك نّا إمّوتن نّيگ ن صّليب (نغد إسيگـل) حما أد ياسي دّنوب ن دّونيت كول. لا إتّاغول ؤمومن ياريد زگ دنوب نس س إدامّن ن لمسيح إنغالّ نيگ ن صّاليب (تبرات ن إعـيـبرانين 9: 12، أنورژَم ن إگـنّا 1: 5). خف ؤفكّاكاد سيدنا عيسى أخف دا إساوال لشتاب إقدّسن زگ تيزويري أل تينگيري.
سّغد إ لباراميج ن رّاديو س تمازيغت گ لانتيرنيت : « مايدي إلازمن أت گخ حما أد فوكـّوخ؟ ».
فرّج س لموسيقى خف لمِتال ن ﺅفوكـّو:
مايد إݣان لشتاب إقدّسن؟
لشتاب إقدّسن نتّا أيد إگان لشتاب ن واوال ن ربّي نّا يوشا إ إمازانّ نس س رّوح نس حما أتّيد أوين إ ميدّن. لشتاباد أ داخ إتـّنعاتن ماتّا نتّا ربي، د ماتّا نتّا بنادم أها إنعتاخ ألتو أبريد إسّاواضن بنادم غر ربي. لشتاباد إحضات ربي س لقوّا نس لا زگ ؤژَوَّر ن بنادم وَلا زگ ؤحرّاف ن إبليس.
لشتاب إقدّسن إگا يوت ن لخيزانا نّاگ إلّا 66 ن لشتاب. لا إبطّو خف سين إلان: إلي أمزوارو إسم نس تاضا تاقديمت (نغد لعهد أقديم)، د إلي ويس سين إسم نس تاضا توجديتّ (نغد لعهد ؤجديد).
تاضا تاقديمت (لعهد أقديم) ديگس 39 ن لشتاب:
خمسا ن لشتًب ن موسى نغد تورات:
ـ لشتاب ن تيزويري
ـ لشتاب ن ؤفوغ
ـ لشتاب ن أيت لاوي
ـ لشتاب ن لحساب
ـ لشتاب ن ؤعاود ن شّـريعا
تناعش ن لشتاب ن تّاريخ نّا إساوالّ خف تّاريخ أقديم ن شّعب ن إسرائل تاروا ن براهيم أمدّاكـّل إعزّين ن سيدي ربي:
ـ يَشوع
ـ إمغارن
ـ راعوت
ـ لشتاب أمزوارو ن صَموئيل
ـ لشتاب ويس سين ن صَموئيل
ـ لشتاب أمزوارو ن إگـلدان
ـ لشتاب ويس سين ن إگـلدان
ـ لشتاب أمزوارو ن لمَجرييات
ـ لشتاب ويس سين ن لمَجرييات
ـ عِزْرا
ـ نَحَمْيا
ـ أسْتير
خمسا ن لشتُب ن شِّعر د إهلّيلن:
ـ أيّوب
ـ زّابور
ـ لأمتال
ـ لجاميعا
ـ تـَنـشّاتّ ن تـَنـشّادين
سبعطاش ن لشتاب ن لانبيا:
ـ إشَعْيا
ـ إرْمِيا
ـ أغْـريب ن إرْمِيا
ـ حِزْقيال
ـ دانْيال
ـ هوشَع
ـ يوئيل
ـ عاموس
ـ عوبَدْيا
ـ يونس
ـ ميخا
ـ ناحوم
ـ حَبَقـّوق
ـ صَفَنْيا
ـ حَجّي
ـ زَكَرِيا
ـ مَلاخي
سّغد إ لباراميج ن رّاديو س تمازيغت گ لانتيرنيت : لانبيا د لشتاب إقدّسن
فرّج لفيلم:
تاضا توجديتّ (لعهد ؤجديد) ديگس 27 ن لشتاب:
ربعا ن لشتًب إساوالن خف تودرت ن لمسيح:
ـ لشتاب ن مَتّى
ـ لشتاب ن مَرْقُس
ـ لشتاب ن لوقا
ـ لشتاب ن يوحَنّا
لشتاب نّا إتقّيسن خف تيزويري ن ؤعدّول ن إ گْراون (نغد إجمّوعن) إمسيحين:
ـ إسكّينّ نّا گان إمازانّ
واحد و عشرين ن تبراتّ إتَلّمادن إ إمومنّ سْبورْزَنتن أها عـزّانتـن گ وامّاس ن تيموكراس نّا إتكّان غيفسن تانيلا ن ليمان نسن گ ؤنّاتن إختارّ حما أتن إبارش:
ـ تبرات ن روما
ـ تبرات تمزواروت ن كورِنْتوس
ـ تبرات تيس سنات ن كورِنْتوس
ـ تبرات ن غَلاطِيا
ـ تبرات ن ﺅفسوس
ـ تبرات ن فيليبّي
ـ تبرات ن كولوسّي
ـ تبرات تمزواروت ن تَسالونيكي
ـ تبرات تيس سنات ن تَسالونيكي
ـ تبرات تمزواروت ن تيموتاوُس
ـ تبرات تيس سنات ن تيموتاوُس
ـ تبرات ن تيطُس
ـ تبرات ن فـِليمون
ـ تبرات ن إعيبرانين
ـ تبرات ن يَعْقوب
ـ تبرات تمزواروت ن بُطْرُس
ـ تبرات تيس سنات ن بُطْرُس
ـ تبرات تمزواروت ن يوحَنّا
ـ تبرات تيس سنات ن يوحَنّا
ـ تبرات تيس شراط ن يوحَنّا
ـ تبرات ن يَهودا
لشتاب ن أنورْژَم لا إساوال خف لوقت نّاد إدّان:
ـ أنورْژَم ن إگـنّا
كول لشتُب ن لشتاب إقدّسن بضان خف إمورن، د إمورن بضان خف لّايات حما أد إوهن أد ياف بنادم أينّاخف يورزّو گ لشتاب.
لاون نتمنّا تغوري إژيلّ د ليمان نّا إتبدّالن تودرت نون س لمسيح نتّا نّا إنّان: « ماشي غاس س ؤغروم أس إتعيش بنادم، ماشا س كول إواليون نّاد إتفّغن زگ إمي ن ربي ». (متّى 4: 4).
سّغد إ لباراميج ن رّاديو س تمازيغت گ لانتيرنيت : ألمّد د لوصيات ن لشتاب إقدّسن 1 د ألمّد د لوصيات ن لشتاب إقدّسن 2
فرّج لفيلم:
ماخف ألّيݣ إلّا لشتاب إقدّسن د مامي إتّـييازن؟
أوال ن ربّي نّا إلّان گ لشتاب إقدّسن إتـّييازن إ ميدّن كول حما أد إسينّ أبريد نّا إسّاواضن غر ربي. لشتاب إقدّسن إتـّييازن إ تقبيلين كول زيگسنت تيقبيلين ن إمازيغن: « إدّخ قاح ؤنّا يورزّون أداس إتّوش، د ؤنّا إتـقـلّابن أد ياف، أها إنّورژَم إ ؤنّا إدّوقّان » (متّى 7: 8). « س تيتّ إمقّور سِّر ن تّـقْوا: ؤنّاد إدّان گ دّات، إتّوبرّار س رّوح، أنّاينتّ لملايكات، تّوخبّرن إسّ ميدّن كول (أگّد إمازيغن)، أمنّ إسّ گ دّونيت، أها إتّوعلّا گ لعـزّ » (تبرات تمزواروت ن تيموتاوُس 3: 16).
لشتاب إقدّسن لاخ إتـّنعات ربي گ تايري نس أها يوشاخ لإنجيل ( أنغميس إژيل ) د لبركات نّاد إتدّون زيگس: إدّخ أمشي أيد إرا ربي ميدّن أليگ يوشا ممّيس أفردي ( سيدنا عيسى لمسيح ) حما قاح ؤنّا إسّ يومنّ ؤر إتمتات شا ماشا أ تّيلي غورس تودرت ن وابدا (راعا يوحنّا 3: 16.).
سّغد إ لباراميج ن رّاديو س تمازيغت گ لانتيرنيت : « شا ن إواليون إهمّان خف لشتاب إقدّسن ».
ما دا إتعنو واوال ن لإنجيل؟
لإنجيل يوك ن واوال نّا دا إتعنون « أنغميس إژيلّ نغد إسّفراحن »: ربّي لاخ إتّيري ألّيگ يوشا أوال نس أفردي نّيگ ن صّليب حما أد إفوكّو لأرواح نخ زگ ؤهلاش ن وابدا (راعا يوحنّا 3: 16.). واد أيد إگان لإنجيل ن نّعمت ن ربي (راعا إسكّينّ نّا گان إمازانّ 20: 24.) تانيلا ن ميدّن إمعصيتن. أنغميس نس لا إقـّار إ ميدّن حما أد أمنّ گ سيدنا عيسى لمسيح د لموت نس د تانشرا نس إنگر إمتّين حما أداسن تّوغفران دّنوب نسن (تبرات تمزواروت ن كورِنتوس 15: 1 ـ 4). لإنجيل أيد إگان يوك إسم نـّاد يوسان إ ييل ويس سين ن لشتاب إقدّسن، نّا إتّوسمّان ألتو تاضا توجديتّ.
فرّج لافلاما:
ماخف ألّيݣ لّان ربعا ن إد لإنجيل؟
گ لحقيقا ؤر إلّي غاس يوك ن لإنجيل نتّا أيد إگان أنغميس إس أ تّـيغـيـيْـت أ تّـفوكّوت زي دّنوب نش س مايد إگا لمسيح تانيلا نش. لا إتّيني لشتاب: « إكّا لمسيح لا إتدّو أر إتخبّار ميدّن س لإنجيل ن ربّي » (مَرْقـُس 1: 14).
ألّيگ دا ساوالن ربعا ن لشتُب إمزوورا ن تاضا توجديتّ ( لعهد ؤجديد) كول نسن خف لمسيح كو يوك زگ يوت ن تامناط ّ إخصّان ( لوقا 1: 1 ـ 4) ، أنّاين إمومنّ إمزوورا أد زايدن إسم ن لإنجيل إ ييسم ن ؤمحضار نّاد ييوين أوال زگ سيدي ربي. أمشيد لا نتّيني إ لشتاب ن متّى لإنجيل ن متّى، وين مَرْقـُس لإنجيل ن مَرْقـُس، وين لوقا لإنجيل ن لوقا، د وين يوحَنّا لإنجيل ن يوحَنّا.
أمشيد إدّخ كول لشتاب ن تاضا توجديتّ نتّا أگ إلّا ؤنغميساد د ؤفرويْ نس، أياد أخف دا إتوسمّا ييتس ن تِكّال س لإنجيل، س ؤماتا گ تميزار ن واعربن د تين إمازيغن.
إد س تيتّ إتّوژوّر لشتاب إقدّسن؟
ألاواه، ألاواه، ؤنّا إتّينين أوالاد هات أعاير ن إبليس إ ربّي أيد إگا ماشي إ إمسيحين نغد ؤداين.
هان ما دا إتّيني ربي خف واوال نس: « داي إنّايي مولانا: إس تانّايت مزيان، هات نكّ لا تمويودخ خف واوال إنو أرتّ شمّلخ » (إرْمِيا 1: 12). سيدي ربي ؤر دا إگـّان أمشينّا إرا إبليس أد ييني إ شيگان ن ميدّن. ربي لا إتمويود خف دّونيت كول س ؤماتا أوال نس، إدّخ إسّن إس إبليس أعداو نس ؤر إري أت إسينّ ميدّن أها أمنّ إسّ.
أوال ن ربي لحقّ أيد إگا (يوحنّا 17: 17)، إگ ألتو رّوح د تودرت (يوحنّا 6: 63). أياد أخف ؤر إري إبليس أد دّون غورس ميدّن. أمشيد إنجح أد إسّبعد شيگان ن ميدّن ( إلين ديگسن إمازيغن) خف واوال ن ربي حما أد ور أمنّ ديگس. إسّبعتّن خف لشتاب ن ربي غاس س يون واوال "إتّوژوّر". أر تعاوادن ميدّن بلا أد نژون إس إصحا ماد أراح.
لا إتّيني سيدنا عيسى: « س تيتّ أون تّينيخ، واخّا إتكّس إگـنّا د واشال ؤر إزلّا أگّد يوك ن لحرف نغد يوت ن تـنـقّـيطّ زگ شّريعا أل إشمّل كولشي » (متّى 5: 18). أر إتّيني ألتو: « توكْسا ن إگـنّأ د واشال توهن خف توكسّا ن يوت ن تـنـقّـيط زگ شّريعا » (لوقا 16: 17).
أد ور تّادجا أ وْما أعداو نّش أش إسّحرم زگ واوال ن ؤنّاش إران ألّيگ يوشا تودرت نس تانيلا نش. يوف مش تقرات نغد سَّغداس حما أ تعلوت مايد إلّان قبل أ تَّحْشَمْت.
بلا أوال ن ربي أرسلي ؤر إتّيغييْ أگّد يوك أد ييسين لا ربي وَلا أبريد نّا إتّاوين غورس.
ماتّا نتّا سيدنا عيسى لمسيح؟
سيدنا عيسى لمسيح أوال ن ربّي أيد إگا. إكّا د ربي زگ تيزويري (يوحنّا 1: 1 ـ 2). ؤردجين إكّي ربي بلا أوال نس وَلا رّوح نس، ماد أراح؟ أوال ن ربي غورس تانباط ّ أم ربي. أم واوال ن ؤگـلّيد غورس تانباط أم ؤگـلّيدنّا. سيدي ربي أگـلّيد إگلدان أيد إگا. أوال نس أس إخلق كولشي نّا إلّان گ دّونيت. قّاح أينّا إگا ربي إگات س واوال نس إ واوال نس (تبرات ن كولوسّي 1: 16).
إسم ن عيسى لا إتعنو ؤنّا إتفوكّون ميدّن زگ دنوب نسن (متّى 1: 21).
أوال ن لمسيح لا إتعنو ؤنّا إتّودْهن س زّيت، إدّخ تاد أيد إگان لعادا ن لوقتـنّا إ ؤنّا إتّوستين نغد ؤنّا إتّوختار أد إگ يوت ن لخدمت.
ماني ؤنّا إختار ربي حما أدّ إدّو أد إشمّل تاگوريـياد تاكسوات نّا إگان أفوكّو أخاتار ن ربي؟ ربي إختار أوال نس نّاگ يومن س تيتّ إس إدّا أد إگ أينّاس إنّا.
أمشيد أيد إدّا غورخ واوال ن ربي گ دّات أم تينخ بلا دنوب حما أد إفوكّو إمعصيتن أم نكّ د شگّ أ وْما. أ ياعريت إ ؤنّا يومنّ ديگس إدّخ ؤسار إنّي أد إنگراز (تبرات ن روما 9: 33).
كو يوك زيگنخ لا إتّيري أوال نس د واراو نس ؤگار ن شا ياضن، أگّد لبهايم لا تگـّان إمشي د إفراخ نسن. ربي لا إتّيري أوال نس أليگ أس يوشا إسم ن ممّيس ن ربي. لا إتّيني لشتاب إقدّسن: « د نتّا إسول لا إساوال، هان يوك إسيگنو إسّادّن إدلاسن. شا ن شوي هان يوت صّوت إدّاد زگ إسيگنو لا إتّيني: واد أيد إگان ممّي نّا إعزّن غيفي ديگس أي گيخ تايري نو. نتّا أمي تسّغادم » (متّى 17: 5). سيدي ربي إدحّا غيفنخ س شا يوك نّا إغلان غورس. أياد أساخ إلازم أ نتواضع داتاس أها نقبل لهديـيْـت نس تاكسوات، سيدنا عيسى لمسيح.
سّغد إ لباراميج ن رّاديو س تمازيغت گ لانتيرنيت : « ماتـّا نتـّا لمسيح؟ 1 » « ماتـّا نتـّا لمسيح؟ 2 ».
سَّغد إ إزلي: أ يَـسـوع لـْـمَـسـيـح أيا وا شَـگّ أگـّان.
فرّج لفيلم "تودرت ن سيدنا عيسى" :
ماي دا إتعنو ممّيس ن ربّي؟
گ تاضا توجديت زگ لشتاب إقدّسن گ لإنجيل ن يوحنّا لا إتّيني ربي: « داي رارين ووداين إ سيدنا عيسى نّاناس: ؤر نري شا أش نرجم خف شا ن ؤسكّين إژيلّ، ماشا خف لكوفر نش، لا تّگـّات إخف نش د ربي د شگ غاس أرياز أي تگيت » (يوحنّا 10: 33). أياد لاخ إتنعو إس فهمن ووداين مايد إگان ممّيس ن ربي. فهمن مزيان أنغميس ن لمسيح. زگ تانيلا نسن ممّيس ن ربي لا إتعنو ربي س إخف نس. ماشي أم ؤينّا تخمّامن ييتس ن ميدّن ياضن. ربي ؤر إحدادجا تمطّوط ّ گ تودرت نس. ؤنّا إتّينين أياد هات ؤر إسّـين أگّد إميل خف ربي تباركا وَ تَعالى.
أر نتّافا ألتو گ لشتاب ن يوحنّا « أگّد يوك ؤردجين يانّاي ربي. ممّيس أفردي، نّا إلّان گ وول ن إبّاس، نتّا أخت إنعتن » (يوحنّا 1: 18). أياد لاخ إتّيني س تيتّ ماتّا نتّا لمسيح، نتّا أيد إغـييْن إويل نس أد إنعت أها إسضهر ربي گ دّونيت إ ميدّن. أگّد يوك ؤر إتّيغييْ أد إگ لخدمتاد غاس ربي س إخف نس.
نتّا أيد إغـييْن أد إمّت نّيگ ن صَّليب (إسيگـل) حما أد إغفر دّنوب ن ميدّن كول أها إكّر زگ لموت.
سّغد إ لباراميج ن رّاديو س تمازيغت گ لانتيرنيت : تودرت ن لمسيح 1 , تودرت ن لمسيح 2 , تودرت ن لمسيح 3 د إسماون ن لمسيح .
سَّغد إ إزلي: يسوع أگـّان ربّي.
فرّج س لموسيقى:
مايد إگان صّـليب نغد إسيگـل؟
صّـليب نغد إسيگـل سين ن إعمدان نّا إجمعن گ وامّاس لا تّاگـلّ ديگس إمُجرِمن حما أتّن نغن. سيدنا عيسى إمّوت نّيگ ن صّـليب حما أداخ إسغ س إدامّن نس (تبرات ن غَلاطِيا 3: 13). إمّوت گ وانسا نخ. نوكني أيد إستاهلّ لموت إدّخ نعصا ربي.
صّـليب غاس رّمز أيد إگا إ ؤفوكّو ن لمسيح، ديگس أيد إنعت ربي لقُـوّا نس د تايري نس إ ميدّن كول (تبرات تمزواروت ن كورِنتوس 1: 18). سيدنا عيسى إسغاياخ زگ لّعنت ن شّريعا ألّيگ يوسي لّعنت نخ نّيگ ن صّـليب (تبرات ن غَلاطِيا 3: 13).
نوكني إمومنّ إمسيحين ؤر دا نتّعباد شا صّـليب ماشا ؤنّا إمّوتن نّيگ ن صّـليب تانيلا نو د تانيلا نش أ وْما د تانيلا نم أ وْلتما.
سَّغد إ إزلي: گ صّليب.
إس إمّوت س تيتّ سيدنا عيسى نّيگ ن صّـليب؟
س تيتّ أ وْما لمسيح إموت نّيگ ن صّـليـب ( نغد إسيگـل). أگّد وينّات إنغان لا تشاهادن خف دّنوب نسن. لا إتّيني لشتاب إقدّسن « داي إراراس كول شّعب: إدامّن نس أد تّوتّين غيفنخ نوكني د واراو نخ » (متّى 27: 25).
« بيلاطُس يارو تيرّا نيگ ن صّـليـب إگا ديگسنت: عيسى ن ناصِرا، أگـلّيد ن ووداين » (يوحنّا 19: 19). أمحضار نس نّات إزنزان، إموت أگّد نتّا إنغا إخف نس: « يهودا إگرا س لفلوس گ تيمزگيدا إفّغ إدّو إنغ إخف نس » (متّى 27: 5).
ؤداين د لعسكر إرومين سّنَن إس سيدنا عيسى لمسيح أيد إلّان نيگ ن صّـليـب ماشي شا ن يوك ضنين ( لوقا 23: 36، يوحنّا 23:19). د وينّا إعيشن أگيدس أم إمّاس مريم د إمحضارّ نس سنن أگّد نيتني إد ؤنّا إغلان غورسن أيد إلّان نيگ ن صّـليـب. لا إتّيني لشتاب « ألّيگ يانّاي سيدنا عيسى إمّاس مريم تاما ن ؤمحضار نّا دا إتّيري، داي إنّاياس إ إمّاس: هان ممّيم » (يوحنّا 19: 26).
لشتاب ن تاضا تاقديمت إعمّر شيگان س لايات نّا إساوالّ خف لموت ن لمسيح. إد گ لشتاب ن تاضا توجديت لموت ن لمسيح أيد إگان لـْساس ن ؤنغميس إسّفراحن نّاخد ييوي.
ماشي إمومنّ إمسيحين أيد إران أد نغين لمسيح، نتّا أيد يودجان ميدّن أت سمّرن نّيگ ن صّـليـب تانيلا ن دّنوب ن ميدّن كول.
سيدنا عيسى أگّد نتّا إسيول خف لموت نس د تانشرا نس شيگان ن تيكّال أل ؤسّان إنگـّورا دات ن مايد إتـْيومژ. إنّاياسن إ إمحضارّ نس: « ها نوكني ندّا أ نّالي غر لقُدس، أها إتّوسلّم ممّيس ن بنادم إ إخاتارّ ن إنَبْدادن د إسلمادن ن شّـريعا، أها نغينت » (متّى 20: 18). « لا تيسينم إس لفِصْح أد ييلي گ سين ووسّان نّاد إدّان. ممّيس ن بنادم إدّا أد إتّوسلّم حما أد إتْواگـل » (متّى 26: 22).
سّغد إ لباراميج ن رّاديو س تمازيغت گ لانتيرنيت : مايد إگا لمسيح نـّيگ ن واشال؟
فرّج لافلاما خف لموت ن سيدنا عيسى:
إس إكّر س تيتّ لمسيح زگ لموت؟
تانشرا ن لمسيح زگ لموت أيد إگان يوت ن لمجريت نّا إگـلّبن دّونيت أها إبدّل تّاريخ أبدا. أيّه، أ وْما، س تيت لمسيح إكّر زگ لموت گ واسّ ويس شراض ضارت ن لموت نس أمشينّا إنّا شيگان ن تيكّال د وامشينّا إتْوارون گ لشتاب إقدّسن (متّى 27: 62 ـ 63، لوقا 24: 13 ـ 27). « إدّخ أمشينّاد تدّا لموت س يون ؤرياز، تدّاد تانشرا زگ لموت س يون ؤرياز. أمشي دا تـّمتاتن ميدّن گ أدم أد يديرّ كول نسن گ لمسيح » (تبرات تمزواروت ن كورِنْتوس 15: 21 ـ 22).
تينضلت ن لمسيح إخوان لا تشاهاد ألتو خف تانشرا نس زگ لموت ( لوقا 24: 1 ـ3، لوقا 24: 13 ـ 27). ألّيگ إضهر إ إمحضارّ نس شيگان ن تيكّال ( لوقا 24: 36، يوحنّا 20: 19)، عاد أي أغولن بورزن حما أد أسين تاشعالت ن لإنجيل أها زلّعن إنغميسن إسّفراحن واخّا تكّا غيفسن شيگان ن تمارا. شيگان زيگسن تّوعدّبن، ويياض مّوتن خف ليمان نسن أم شيگان ن إد لولوف ن ويياض نّاد إدّان ضاراسن.
قبل أد إزْري لمسيح إمحضارّ نس حما أد يالي غر إگـنّا يودجاياسند يوت ن لوصيت تاكسوات إنّاسن: « أشّمات گات إمحضارّ زگ مايد إگان تقبيلت، تغطّسمتن س إسم ن إبّا، د ممّيس د رّوح إقـَدّسن » (متّى 28: 19).
فرّج لافلاما :
مايد إݣان أغطّس (أعمّد نغد لمعموديا)؟
لا تّينين إمازيغن إغطّس ݣ وامان زعما إكشم دّاو ن وامان. إد أغطّس ݣ لشتاب إقدّسن لا إتعنو يوك ن تاضا ن ؤمومن د لمسيح دات ن ميدّن. لا إتّنعات ؤمومن إ ميدّن إس إمّوت أها إكّر د لمسيح (تبرات ن روما 6: 3، 4؛ تبرات ن كولوسّي 2: 12).
ييلي ألتو ؤغطّس ن رّوح إقَدّسن ( نغد رّوح لقُـدُس): رّوح ن ربي لا إزدّغ ݣ ؤمومن نّا يومنّ ݣ لمسيح ݣ تالاليت توجديتّ (تبرات ن غَلاطِيا 4: 6، تبرات ن أفَسُس 1: 13، 14).
مايد إگان تلاليت توجديتّ ؟
تاد أيد إگان لخدمت ن رّوح إقـَدّسن ( نغد رّوح لقـُدُس) نّا دا إتگّا گ ؤمومن حما أد ياغول أد إشور گ طّبيعت ن ربّي د تودرت ن لمسيح. س تلاليت توجديت بنادم لا إتّيلي غورس تودرت توجديت أها ياغول إگا لخليقت توجديت أمشينّا إتّيني لشتاب إقدّسن: « مش إلّا شا ن يوك گ لمسيح، هاتين لخليقت توجديت أيد إگا. إسكّينّ إقديمن زرين هان كولشي ياغول إگا ؤجديد » (تبرات تيس سنات ن كورِنْتوس 5: 17).
ألّيگ إعصا أدم ربي كشمن دّنوب گ دّونيت تاغول طّبيعت ن بنادم تگا تمُدنِبت. لمسيح إسّفهماس إ يوك ؤرياز گ لشتاب ن يوحنّا أمور ويس شراض إس أگّد يوك ؤر إكشّم غر تاگـلّيتّ ن ربي مش ؤر إلولي د ؤجديد.
لا إتلالا ؤمومن س وامان د رّوح. أمان لا سّيريدن أر سّـيزْديگن، لا تمتّالّ أوال ن ربي (تبرات ن أفَسُس 5: 26) نّا دا ياكّان تودرت س لقـُوّا ن روح إقـَدّسن أها إنغ إسكّينّ ن طبيعت تقديمت گ بنادم. روح إقـَدّسن لا ياكـّا إ ؤمومن يوت ن طبيعت توجديت نّاد إتدّون زگ ربي (تبرات تمزواروت ن يـوحـنـّـا 9:3).
فرّج لفيلم :
ماتّا نتّا رّوح لقـُدُس؟
روح إقدّسن نتّا أيد إگان روح ن ربّي. نتّا س إخف نس ربي أيد إگا. ماشي شا ن لملاك أيد إگا نغد شا ن لخليقت ياضن. ؤردجين إكّي ربي بلا روح نس أها ؤر إلّي شا ن بطّو إنگر ربي د روح نس: « إدّخ روح لا إتعالام خف كولشي أگّد مايد إلّان غر جاج ن ربي. ؤر إلّي ما دا إتّـيـسـيـن مايد إلّان گ جاج يوك غاس روح نس نّا إلّان جاج نس. أمشيد أگّد يوك ؤر إسّـين إسكّينّ ن ربي غاس روح ن ربي » (تبرات تمزواروت ن كورِنْتوس 2: 10 ـ 11).
كو أمومن إلولا زگ روح إقدّسن. لا إزدّغ ديگس، أها تاغول دّات نس تگا تيمزگيدا ن روح إقدّسن. إتّوغـطّـس أها إتّورشم س روح إقدّسن (تبرات تمزواروت ن كورِنْتوس 12: 13) (تبرات ن أفَسُس 1: 13).
مايد إگا لمسيح نـّيگ ن واشال؟
سّغد إ لباراميج ن رّاديو س تمازيغت گ لانتيرنيت : رّوح إقدّسن 1 د رّوح إقدّسن 2.
فرّج لفيلم :
مايد إگان تـّالوت إقـَدّسن؟
ربّي د واوال نس د رّوح نس يوك أيد گان،
سيدي ربي نّاغر تلّا تنباط ّ ن دّونيت. گ تمسيحيت واد أيد إگان تّالوت: ربي إبّاتـنخ، د واوال ن ربي سيدنا عيسى لمسيح نّا إتّوسمّان ألتو ممّيس ن ربي (راعا أسقسا ويس 16.) د روح ن ربي إگان روح إقـَدّسن.
گ لشتاب إقدّسن ؤر إلّي شا ن واوال ن تّالوت، ماشان إضهر گ شا ن إواليون ن تاضا توجديتّ أم لوقت نّاگ إتّوغطّس لمسيح خف ؤفوس ن يحيى ممّيس ن زكريا نغد يوحنّا إتغطّاسن: « غاس إتّوغطّس لمسيح إفّغد زگ وامان. هان إگنوان رژمن أها يانّاي روح ن ربي إرسد غيفس أم ؤتبير أها إسل إ يوك ن واوال إدّاد زگ إگـنّا لا إتّيني: واد أيد إگان ممّي نّا إعزّن غيفي نتّا أگ گيخ تايري نو كول » (متّى 3: 16 ـ 17).
ميمش تگّاخ أد إسينخ إس توفوكّاخ ماد أراح؟
لا إتّيني لشتاب إقدّسن: « مش تقرّات س ؤقمو نش س مولانا عيسى أها تامنت س وول نش إست إسكّر ربّي زگ إمتّين هان شگـّين أ تّفوكّوت » (تبرات ن روما 10: 9).
أر إتّيني ألتو: « مش إلـّا شا ن يون گ لمسيح هاتين لخليقت توجديت أيد إگا. كول إسكّين إقديمن زرين، كولشي ياغول إگا ؤجديد » (تبرات تيس سنات ن كورِنْتوس 5: 17).
أر إتّيني ربي ألتو: « ؤنّا يومنّ گ ممّيس ن ربي لا تّيلي غورس شّهاتّ گ وول نس. إد ؤنّا ؤر يومينّ، ربي لات إتگـّا د بو إحلّالّ إدّخ ؤر دا إتّامن گ شهات ن ربي خف ممّيس » (تبرات تمزواروت ن يوحنّا 5: 10).
أفوكّو (نغد أفوكّا) ماشي غاس شا ن ؤخمّيم نغد شا ن رّاي أتّ إتفور بنادم ماشان يوك ؤبدّل د ؤغـيّـر نّا دا إجرّون گ وول ن ؤمومن نّا إتوبن أدّاي إملاقّاي د لمسيح. أفوكّو نتّا أحرّر ن بنادم إمعصي أدّاي إتوب أها يامن گ ضّحيت ن سيدنا عيسى نّيگ ن صّـليب.
فرّج لفيلم :
مايد إݣان تّوبا نغد تّوبت؟
تّوبا نتّات أدّاي يوشي بنادم س دّنوب نس أها إندم غيفسن إتواضع دات ن ؤنّات إخلقن. أدّاي إبدّل بنادم رّاي نس ؤر إژيلّ حما أد ياغول غر سيدي ربّي أها ياغول غورس يوك ؤراعا ؤجديد.
لا إتّيني لشتاب س إمي ن ؤمحضار ن لمسيح: « بشّرخ س ؤنغميس ن تّوبا د ؤعايد غر ربي س لفعايل إژيلّ ن تّوبا، بشّرخ س ؤنغميساد إ ميدّن ݣ دِمَـشق د وين لقُدس د ليَهوديا د لݣنوس ياضن » (إسكّينّ نّا ݣان إمازانّ 26: 20). « توبات إوا تاغولم غر سيدي ربي حما أداون تّـومحون دنوب نّون » (إسكّينّ نّا ݣان إمازانّ 3: 19).
فرّج لفيلم:
فرّج لقيست نـّا إعاود سيدنا عيسى خف تـّوبا تارْسْليت:
مايد إݣان أغول نغد أعايد ن بنادم غر ربّي؟
حما أد ياغول يوك غر ربي لازم أد إبدّل أبريد نّا يومژ. أد إبدّل أبريد نّا إزلّان س ؤبريد ن ؤفوكّو نّا إعدل ربي. حما أد إكشم يوك غر تگـلّيتّ ن إگـنّا لازم أد إتوب زگ لمعصييات نس د تودرت نس ؤر إژيلّ. لا إتّيني لمسيح: « س تيتّ أون تّينيخ مش ؤر تاغولم غر ربي أها تگيم أم إشيرّان ؤر تكشّمّ غر تگـلّيتّ ن إگـنّا » (متّى 18: 3).
أعايد غر ربي لا إتفّور تّوبا حما أداس تّوغفرّ إ بنادم دنوب نس. لا إتّيني لشتاب: « توبات إوا تاغولم غر سيدي ربي حما أداون تّـومحون دنوب نّون » (إسكّينّ نّا گان إمازانّ 3: 19).
سّغد إ لباراميج ن رّاديو س تمازيغت گ لانتيرنيت : مايد إلازمن د مايْ دا تگـّان إمومنّ إمسيحين 1 د مايد إلازمن د مايْ دا تگـّان إمومنّ إمسيحين 2.
فرّج لفيلم "لقيست ن راكـّا" خف ﺅعايْد غر ربّي :
مايد إگان تژالّيت؟
تژالّيت نتّات أدّاي دا إساوال ؤمومن د ربّي. يوت ن لعلاقا ن واوال د ؤسّغاد. ماشي شا ن لواجيب نّا إتگـّا بنادم س إبدّي د ؤقّجديم د ؤعاود ن إواليون گ ييتس ن لاوقات، ماشان يوك ؤسّمغور س بنادم أدّاي إكشم أد إمگراو د ربي س رّوح نس أك ماني لوقت د أك مانيدا. لا إتّيني لشتاب: « ژّالات ديما ترزوم سيدي ربي س روح. أد ور تبدّات زگ ؤينّا أها تژّاليم تانيلا ن إمومنّ كول نسن » (تبرات ن أفَسُس 6: 18).
يوك ن واسّ رزاناس إمحضارّ إ لمسيح أداسن إلمّد أد ژّالين داي إنّاسن: « أدّاي ترام أد تژّاليم إنيات: أ إبّاتنخ نّا إلّان گ إگـنّا أد إتّوقدّس إسم نش أدّ تدّو تگـلّيتّ نش أها ييلي لخاضر نش نّيگ ن واشال أم إگـنّا. ؤشاخ عافاش أغروم نخ أسّ س واسّ. غفراخ دّنوب نخ أمشيد أ نتَّـغـْفار إ ؤينّا إدنبن ديگنخ. أد وراخ سّكجام گ شا ن ؤجرّب، ماشان حضوياخ زگ إبليس. إدّخ شّگ أغر تلّا تنباطّ د لقُـوّا د لعزّ أبدا ن وابدا. أمين » (متّى 6: 9 ـ 13). أمشيد أي تاغول تژالّيت أم يوك ؤمداشار إنگر ؤمومن أمسيحي د ربي إبّاس نّا إلّان گ إگـنّا س واوال نغد لّوغا نّاس يوشا.
تژالّيت يون ؤمداشار إدامن إنگر ؤمومن د إبّاس ربي. لا إتّيني لمسيح گ لإنجيل: « أدّاي دا تژالّام أد ور تگـّات أم لمُنافيقين نّا دا إتژالّان بدّان گ تمزگيدا د تْغَمْرين ن إبردان حما أتن أنّاين ميدّن. س تيتّ أون تّينيخ ؤمژن لاجر نسن. إد شگ أدّاي دا تژالّات كشم غر لبيت نش تقّـنت تيفلوت أها تژّالت إ إبّاش نّا إلّان ديس. نتّا نّاش إتّانّاين، نتّا أش إتْواجابن » (متّى 6: 5 ـ 6).
مايد إگان أژوم؟
أژوم نتّا أدّاي إبعّد بنادم إ ووتشي د وامان (أسْتير 4 : 16 ؛ ؤفوغ 34: 28). لا إتكّس ؤمومن ؤتشي إ دّات نس حما أد ؤر إگ لخاضر نس نتّا ماشا أد إخمّم گ لخاضر ن ربي. أژوم ماشي أد إتش بنادم گ إض حما أد ور إتش س واسّ. ؤنّا إتّاژومن، ماشي حما أد إرزو ؤتشي غر تدگـّات. لا إتّاژوم ؤمومن حما أد إقرّب إ ربي، ماشي إ ميدّن.
هان مايد إنّا لمسيح خف ؤياد: « أدّاي تاژومَم أد ور تقّـنت إنير نّون أم لمُنافيقين نّا إسَخسار ؤدماون نسن حما أد نعتن إ ميدّن إس أژومن. س تيتّ أون تّينيخ ؤمژن لاجر نسن. إد شگ أدّاي تاژومت، دهن إخف نش تسّيرتّ ؤدم نش حما ؤر تَّضْهارت إ ميدّن إس تاژومت، ماشا إ إبّاش نّا إسّن مايد إلّان گ وول نش. نتّا اداش إرار إنگراتون » (متّى 6: 16 ـ 18).
داي إنّا ديخ ألتو لإنجيل: داي إقّيس سيدنا عيسى لقيستاد إ وينّا دا تّينين گ إخفاون نسن هاتين منان أها أر تحقّارن وييّاض، إنّاياسن: « دّان سين ن إرگزن غر تدّارت ن ربّي حما أد ژّالين، يوك أفرّيسي د وايْض أصنّاك. داي إبدّ ؤفرّيسي أر إتژالّا إنگراس د إخف نس أر إتّيني: « أ ربّي، داش تحمادخ إدّخ ؤر گيخ إمعصي أم ميدّن ضنين نّا دا تّاشرنين، أر تغشّان، أر تفسادن، ؤلا گيخ أم ؤصنّاكاد. دا تّاژومخ سنات ن تيلمرّات گ سّيمانا، أر تّكّسخ لعشور خف ؤينّا داد تّراراخ كول». إد أصنّاك ، إبدّا گ تّيساع ؤر إغي أود أد إهزّا أللّن نس غر إگنّا، أر إكّات إدمارّ نس أر إتّيني: « أ ربّي رحميي، هاتين گيخ إمعصي! » أداون إنيخ: هاتين أصنّاك أد إدّا غر تدّارت نس إرضا غيفس ربّي ، ؤريد أم ؤفرّيسي. إدّخ ؤنّا إسّمژيين إخف نس إدّا أد إتّوسخاتر إد ؤنّا إسخاترن إخف نس إدّا أد إتّوسّمژي » (لوقا 18: 9 ـ 14).
سّغد إ لبرنامج ن رّاديو خف ؤژوم نـا إگا لمسيح: « أجرّب ن لمسيح ».
مايد إگان لكنيسا نغد لكنيست؟
لكنيست نغد أجمّوع نغد أگراو نتّا كول إمومنّ نّا إسغا لمسيح س إدامّن نس زگ أ لّيگد إرْس رّوح إقـَدّسن گ واسّ ن خمسين أر تاوادا تيس سنات ن لمسيح حما اد ياوي كول وينّا ييسّ يومنّ (متّى 16: 16 ـ 18؛ تبرات ن أفَسُس 2: 20 ـ 22).
گ لوقتاد كول لكنيست تمسيحيت لا تجماع كول إمومنّ إرسليتن إتـْييسّن غر ربي نّا إعيشن گ شا ن لوقت نّيگ ن واشال (تبرات تيس سنات ن تيموتاوُس 2: 19 ـ 21). كول أينّا إلّا ؤگراو ن إمومنّ، لا إتّوسمّا لكنيست ن وانسانّا. لكنيستاد ايد إگان يون طّرف زگ لكنيست گ دّونيت كول نّا إگان دات ن لمسيح (تبرات ن أفَسُس 1: 1؛ تبرات ن فـيـلـِبّي 1: 1).
لكنيست ماشي لباطيما نغد شا ن ؤمزدوغ ياضن ماشان كول إمومنّ س لمسيح زگ لموت ن لمسيح أرد ياغول. ؤر تبني غاس س إسلّيوَن إدّرن زعما إمومن إرسليتن (تبرات تمزواروت ن بُطرُس 2: 5؛ تبرات ن أفَسُس 2: 21 ـ 22).
سّغد إ لباراميج ن رّاديو س تمازيغت گ لانتيرنيت : « لكنيست (أگراوْ ن إمومنّ) » د « أزلـّع ن تمسيحيت گ دّونيت ».
فرّج لفيلم "إسكـّينّ نـّا گان إمازانّ" خف تلاليت ن لـَكـْنيست :
إس إسول لمسيح أد ياغول غر نّيگ ن واشال؟
واد أيد إگان رّجا أكسوات ن إمومنّ إرسليتن س لمسيح (تبرات ن تيطُس 2: 13). أدّ إدّو لمسيح حما أد ياوي إمومن غر تاما نّس (تبرات تمزواروت ن تَسالونيكي 4: 17؛ تبرات تمزواروت ن كورِنْتوس 15: 51 ـ 57).
واد أيد إگان رّجا ن إمومن إرسليتن گ مايد إگان أنسيون د لاوقات. أسّـنّا أمي دا جّوجودن إمومن س تامونت نسن د ربي د ضّاعت ن واوال نس. رّجاياد أداخ ياكّان لقُـوّا د ؤفراح حما أ نّزّري تمارا ن دّونيت د نوكني لا نتـْيونويْ مولانا نخ أدّ ياغول غورنخ.
رّجا ن بنادم ؤر ديگس لامين ماشي أم رّجا أمسيحي إصحان إسّفراحن. ربي أيت إقاولن، ؤر ديگس تيحلّالّ. إسول أد إجرو ؤياد غر دات. (تبرات ن روما 8: 24، 25).
فرّج س لموسيقى:
