أياد لاخ إتعاواد أنغميس إژيلّ ن لخدمت ن ربّي حما أد إفوكـّو شّعب نس زي دّنوب نسن. سّغداس حما أد تيسيند ميمش تدّود غر إگـنّا لوقا، أمازان ن ربّي، لاخ إتقـّيس لإنجيل ن سيدنا عيسى لمسيح. أوال ن لإنجيل لا إتعنو « أنغميس إژيلّ ». لإنجيلاد ن لوقا لا إتقيس تودرت ن لمسيح د تلاليت نس س لمُعجـِزا د لمُعجـِزات نّا إگا د ميمشت نغان ميدّن واخّا ؤر إستاهل لموت. تـَنـْشْرا نس زي لموت ضارت ن شراض ن ووسّان لاخ تـّـنعات إس إرّا دّنوب د جهنّما د شياطين د إبليس. أنغميس إژيل إسْد إدّا لمسيح غر دّونيت حما أد إفوكـّو ميدن إمعصيتن أم نوكني. ميمش تـّيريت أدجّار نش؟ لقيستاد لاخ تاكـّا لوَجاب. مشتا ن ؤفراح أيد إلـّان ݣ إݣنّا أدّاي إتوب يوك إمعصي؟ د ميدن نّا تغالّ إس ؤر حدادجان أد توبن؟ لوَجاب إلـّا ݣ لقيستاد. متـّا ويد نّا إتـّيلين حاضرن ݣ لفيشطا ݣ تݣلديت ن ربّي؟ إس دا تـّيسيند إس تـّوعرضت؟ لوَجاب أت تافـد ݣ لقيستاد. إس أد إغييْ ربّي أد إغفر إ بنادم مي يوسع ؤديس إݣ أموشار؟ لوَجاب أت تافـد ݣ لقيستاد. لشتاب ن « إسكّـينّ نّا ݣان إمازانّ »، نّا إتّـْيـيسين زݣ لشتاب ن ربّي نّا إتّـوسّفران س تمازيغت. لوقا أ دا إتقّـيسن س ؤقمو نس لقيست ن تودرت ن إمومنّ إمزوورا د تمارا نّا غيفسن إكّان ضارت ن مايد يولي سيدنا عيسى غر إݣـنّا، حما أد صّيوضن أوال نس إ ميدّن. لّـيݣ غيفسند إضر رّوح ن ربي أر ساوالن س واوال ن لݣنوس ضنين، غالن ميدن إس سوان شّراب؛ ماشان يوشاس ربي إ بُطرُس زّعامت أداسن إسّفرو س واوال ن ربي أينّا إجران. أر إسّارا نتـّا د يُحَـنّا أر تبرّاحن س إنغميسن ژيلنين خف لمسيح أها تّـوكرفصن شيݣان. بولـُس نتا إكّا ييسم نس شاوُل، أر إتّـكرفاص أݣراوْ ن إمومن، أر إتسبّاب ݣ لموت نسن؛ ماشان يان واسّ إفّغد غورس لمسيح س إخف نس أها إبدّل تودرت نس. بولـُس تكّا غيفس تمارا إوعرن حما أد إضاع تنباط ّ ن سيدنا عيسى لمسيح ليݣ أس إنّا: « ݣيخش د أسيدّ إ لݣنوس نّا ؤر ݣينين ؤداين حما أنّ تصّيوضّ أفوكّـو إ دّونيت كول ». إكّر بولـُس أر إتكّا تيميزار أر إتبرّاح س واوال ن ربي، إصبر إ تـْخَـنـْدالّاسين ن ميدّن د تماريوين نّا غيفس سيكّان، إصبر أݣّد إ تيتي د لحبس. أوال ن ربّي إعمّر س لقيسات إصْحان نّاݣ لّان شييان إلمّيدن ݣ تودرت نّخ ن واسّا. سَّغد إ لقيساتاد زي تيزويري أل تينݣيري حما أد تافد لبلان ن ربّي إ تودرت نَّش / نّم. أفاسوس ثكّا ثݣا يوث ن ـ ثمدينث نّامي يمقّور وادّور. ثوساد خف يير ن ـ لبحر ݣ ـ ؤغلّوي ن ـ ثمازيرث ن ـ أسيا ثامژّيانث (توركيا دغي ). ئكّاتّيد ؤمازان بولوس ثيكّلث ثامزواروتّ ݣ ـ ثوادا نس ثيسّ سناث نّاݣ أر ئتبرّاح س ـ ئنغميسن ژيلنين (ئسكّين نّا ݣان ئمازانّ 18: 19ـ21). د ݣ ـ ثوادا نس ثيسّ شراطّ (ئسكّين نّا ݣان ئمازانّ 19) ئقّيمانّ ديكس شراض ن ـ ئسݣّاسن أر ئسّلماد أݣراو ن ـ ئمومنّ نّا يسمون ديسّ. د ـ لشثاب أد ݣ ـ لعاهد ؤجديد ( ثاضا ثوجديتّ) نّا غر ئلّا ييسم ن ـ ثمدينث أد، نتّا ثابراتّ نّا ياري ؤمازان بولوس ئي ؤݣراو ن ـ ئمومنّ نّا يلّان ديسّ. ݣ ـ ثبراتّ أد، داسن ئتقّيس بولوس، أراخ ئتقّيس أود نوكني، مايد ئݣا سيدنا عيسى غيفنخ د ـ ميمش أيداخ ئرا أنيدير. أراخ ئسنعاث رّحمث ن ـ ربّي، د ـ ؤينّا يعوّل أد ئيݣ حما أد ئفوكّو ميدّن ن ـ لݣنوس ن ـ دّونيث س ـ ماس ثلّا. أراخ ئسنعاث ألثو ميمش أيد ئخصّا أتّيلي ثامونتّ ئتݣر ن ـ ميدّن ن ـ ربّي، د ـ ميمش أيد ئخصّا أنكّس لمعصيث أها نمنو داث ن ـ ربّي. ئسيول بولوس ألثو ݣ ـ ثبراتّ أد أود خف ميمش أيد ئخصّا ئي يرݣزن د ـ ثوثمين نسن أد مييرين اها موقّارن ئنݣراتسن، د ـ ميمش أيداخ ئخصّا أنيلي نوجد أننّال ثيثيوين ن ـ ئبليس. فيليبّي ثكّا ثݣا يوث ن ـ ثمدينث نّا ستعمرن رّومان. ثوساد ݣ ـ ؤژلماض ن ـ ثمازيرث ن ـ ماكيدونيا ( ليونان دغي ). ݣ ـ ثوادا نس ثيسّ سناث، ئسمون بولوس د ـ ئسمونّ نس أݣراو ن ـ ئمومنّ أمزوارو ݣ ـ ثمازيرث ن ـ ؤروبّا (ئسكّين نّا ݣان ئمازانّ 16 : 12 ـ 40 ). د ـ لشثاب أد زݣ لعاهد ؤجديد ( ثاضا ثوجديتّ) نّا غر ئلّا ييسم ن ـ ثمدينث أد ن ـ فيليبّي، نتّا ثابراتّ نّا ياري ومازان بولوس ئي وݣراو ن ـ ئمومنّ ديسّ. ئرا أثن ئسنومّر خف ثرزّيفث نّاس ؤزنن، د ـ خف ؤسعاون نّا ثسعاونن اد ئبرّح س ـ ئنغميسن ژيلنين. ݣ ـ ثبراتّ أد داخ ئسّلماد ؤمازان بولوس ميمش أيداخ ئخصّا أنفرح، نحمد ئي ربّي أها ؤر نتّاسي أنزݣوم. ؤر نسخاثار س ـ ئخخفاون نّخ مشان أنحاسب وييّاض ئيس أخ ؤفن أها نزّوور نّفع نسن خف وينّخ. أر نتّيسين ألثو ݣ ـ ثبراتّ أد ميمش أي نّيزري لماسيح أنسا ن ـ لعزّ يدّود غر دّونيث أد أها يضاع أود أد ئمّث خف ئحنيݣن ن ـ ؤطّورق، د ـ ؤفوكّا ؤر ئيد س ـ لاعمال مشان س ـ سيدنا عيسى لماسيح، د ـ نوكني أيث ييݣنّا أيد نݣا. تـيـزويـري لشتاب أمزوارو ن لشتاب إقـدّسن د وين تورات. إلـّا ديگس تـّوعدل دّونيت إلينت ديگس لقيسات ن تودرت ن أدم د نوح د براهيم د إسحاق د سماعيل د يعقوب د يوسف د ويياض. ؤفوغ (ن تاروا ن إسرائيل زي مِصْر) لشتاباد ويسِ سين ن لشتاب إقدّسن لا إتـقـّيس ميمش إسّوفغ ربّي شّعب نس زي … متابعة قراءة “Les textes suivants vont être disponibles dans les mois prochains:”إنغميسن نّا دا إسّفراحن
إنغميسن نّا دا إسّفراحن
لإنجيل ن سيدنا عيسى لمسيح خف ﺅفوس ن لوقا
لإنجيل ن سيدنا عيسى لمسيح خف ﺅفوس ن لوقا
أوال ن سيدنا عيسى خف تادجّوارت
أوال ن سيدنا عيسى خف تادجّوارت
لقيست ن يون ؤرݣاز د واراوْ نّس س سين
لقيست ن يون ؤرݣاز د واراوْ نّس س سين
لقيست ن تمغرا تخاتارت
لقيست ن تمغرا تخاتارت
لقيست ن زكّا
لقيست ن زاكّا
إسكّـينّ نّا ݣان إمازانّ
إسكّـينّ نّا ݣان إمازانّ
لقيسات زݣ واوال ن ربّي
لقيسات زݣ واوال ن ربّي
ثيبراتين ن بولوس إ إمومنّ ن ثمدينين ن أفاسوس د فيليبّي
ثيبراتين ن بولوس إ إمومنّ ن ثمدينين ن أفاسوس د فيليبّي
إواليون ن إزلان ن ﺅݣراوْ ن ربّي
Les textes suivants vont être disponibles dans les mois prochains: