ن ؤسّغاد : نـقـّـر خـف يـوت ن تـْـصْويـرت حما أد تـسَّـغـد إ واوال نس

لقيست ن ربّي د بنادم

تاد أيد إگان لقيست ن ربي د ميدّن: ميمش إخلق ربي بنادم د ميمشت إعصا بنادم د ميمش إگا ربي حما أد إغفر دّنوب ن شّعب نس. يوت ن لقيست ن تايري زي تيزويري أل تينگيري!

 

حما أ تسموتّيت لقيست ن ربّي د بنادم كول  س   م ب 3، نقّر دا (mp3-zip – 8 fichiers – 17 MO).

لقيسات زݣ واوال ن ربّي

أوال ن ربّي إعمّر س لقيسات إصْحان نّاݣ لّان شييان إلمّيدن ݣ تودرت نّخ ن واسّا.  سَّغد إ لقيساتاد زي تيزويري  أل تينݣيري حما أد تافد لبلان ن ربّي إ تودرت نَّش / نّم.

مش تريد أد تقراد لقيسات زݣ واوال ن ربّي نقـّر داها.

حما أ تسموتّيت لقيسات كول نّسنت  س   م ب 3، نقّر دا (mp3-zip – 22 fichiers – 118 MO).

تودرت ن سيدنا آدم د حوّاء

لقيست  ن  ؤرياز  أمزوارو آدم  د  تمطّوطّ نّس  حُوّاء،  ميمش  تّوخلقـن  د  ميمش  تّوتّين  ݣ  دّنوب  د  لقول  نّا  يوشا  ربّي  حما  أتن  إفوكّو،  نيتـني  د  تاروا  نّسن  ضاراسن.

حما أ تسموتّيت تودرت ن سيدنا آدم د حوّاء  س   م ب 3، نقّر دا (mp3-zip – 5 fichiers – 22 MO).

تودرت ن سيدنا إبراهيم

لقيست  ن  نّبي  براهيم  د  ميمش  أس  إغرا  ربّي  أد  إدّو  غر  تمازيرت  نّاس  إقاول.  يوشاس  تاضا  (نغد  لعهد)  ن  ؤزيّن  أها  إقاولاس  أد  إبارش  إسّ  كول  تيميزار  ن  دّونيت.  لقيستاد  لا  تساوال  ألتو  خف  تودرت  ن  واراوْ  ن  براهيم،  سماعيل  د  إسحاق،  د  ميمش  إجرّب  ربي  ليمان  ن  براهيم.

حما أ تسموتّيت تودرت ن سيدنا براهيم  س   م ب 3، نقّر دا (mp3-zip – 15 fichiers – 65 MO).

تودرت ن سيدنا إسحاق د سيدنا يعقوب

لقيست  ن  إسحاق  ممّيس  ن  براهيم  د  يعقوب  مميس  ن  إسحاق.  نيتـني  أس  إزايد  ربّي  تاضا  نّاس  يوشا  إ  براهيم.  لا  نتانّايْ  دا  لبدو  ن  شّعب  تاروا  ن  إسرائيل  ( نغد  بني  إسرائيل).

حما أ تسموتّيت تودرت  ن  سيدنا  إسحاق د سيدنا يعقوب  س   م ب 3، نقّر دا (mp3-zip – 12 fichiers – 67 MO).

تودرت ن سيدنا يوسف

لقيست  ن  نّبي  يوسف،  يون  زي  واراوْ  ن  يعقوب  س  تناعش.  ألـّيگـت  زنزان  أيتماس  د  إسمغ  غر  مصر،  إسخدمت  ربّي  حما  أد  إفوكـّو  شيگان  ن  ميدّن  د  لفاميلا  نس  زي  بوهيّوف.  أمشيد  أيد  إدّر  رّجا  ن  لقول  ن  ربّي. 

 

حما أ تسموتّيت تودرت ن سيدنا يوسف  س   م ب 3، نقّر دا (mp3-zip – 13 fichiers – 73 MO).

لشتاب ن تيزويري

لشتاب  أمزوارو  ن  لشتاب  إقـدّسن  د  وين  تورات.  إلّا  ديݣس  تّـوعدل  دّونيت  إلينت  ديݣس  لقيسات  ن  تودرت  ن  آدم  د  نوح  د  براهيم  د  إسحاق  د  سماعيل  د  يعقوب  د  يوسف  د  ويياض.

حما أ تسموتّيت لشتاب ن تيزويري كول س   م ب 3 نقّر دا “لشتاب ن تيزويري”  (mp3-zip – 50 fichiers – 291 MO).  ݣ يون فيشيايْ أخاتار، نغد ݣ 2 ن إد فيشيايْ إمـﮋيانّ غيفس:

لشتاب ن تيزويري أمور 1 (mp3-zip – 25 fichiers – 130 MO)

لشتاب ن تيزويري أمور 2 (mp3-zip – 25 fichiers – 161 MO)

Exodus: لقيست تارسليت (سيدنا موسى)

لشتاباد ويسِ سين ن لشتاب إقدّسن لا إتـقـّيس ميمش إسّوفغ ربّي شّعب نس زي تسمغت گ مصر أها إحرّرتن زي تنباطّ ن فِرعون. لشتاباد ييويد إسم نس زي « ؤفوغ » نّاگ إسّوفغ ربي شعب نس زي تمازيرت ن مصر. ضاراس إسموتـّر ربي شعب نس أها يوشاسن شّريعا نّا إبنان خف رّاي نس. شريعا ن ربي تدّاد حما أد تنعت إ ميدّن إس حدادجان لمسيح.

حما أ تسموتّيت تودرت ن سيدنا موسى  س   م ب 3، نقّر دا (mp3-zip – 46 fichiers – 49 MO).

سيدنا موسى: أيت لاوي

لشتاب ويس شراض زي لشتاب إقدّسن ييويد إسم نس زي لفاميلا ن لاوي، يون زي واراوْ ن يعقوب س تناعش. إستيتن ربّي أد گان إنـَبْدادن حما أد عاونّ ميدّن أد عبدن ربي. نيتـني أ دا ياكّـان إ ربي تيمغراس نّاد تّاوين ميدّن حما أد محون دّنوب ن ميدّن. س تمغراسنّا أس دا تـّيغـيـيـْن ميدن أد قرّبن غر ربي إزدّيگن.

سيدنا موسى: لحساب

لشتاب ويس ربعا لا إتقـّيس ميمش تزلا تاروا ن إسرائيل گ لخلا ألّيگ كـّان گ ؤبريد غر تمازيرت ن ؤقاول. لا نتانّاي ديگس أغوّغ ن بنادم خف ؤنّات إخلقن د ميمش إنعت ربّي تازدگي نس.

سيدنا موسى: أعاود ن شّريعا

لشتاب ويس خمسا زي لشتاب إقدّسن نتـّا أيد إگان أنگـّارو ن تورات. لا إتـّالس ديگس موسى إ شّريعا ( أمشيد أ نسمّا لشتاباد « شريعا تيس سنات ») أر إتّـمسافاض د شّعب قبل أد كشمن غر تمازيرت ن ؤقاول. ديگس أيد إقاول ربّي أد يازن يون نّبي أم موسى أها إسّغداس شعب كول.

تودرت ن راعوت

لقيست ن يوت ن تمطـّوط ّ، إسم نس راعوت، نّا إتـّومرّتن س لموت ن ؤرياز نس. تكـّا لا تـّيري تمغارت نس عنوگـّا، تزرين تمازيرت نّاگ تلولا حما أ تمون ديدس. أمشيد أي تسّن سيدي ربّي أرسلي نّاس يوشان يون ؤرياز تعيش ديدس گ لهنا د ؤفراح. نتـّات أيد إگان إمّاحلـّوس ن إبّاس ن نّبي داوُد تيگ ألتو زي إژوران ن لمسيح.

حما أ تسموتّيت تودرت ن راعوت  س   م ب 3، نقّر دا (mp3 – 1 fichier – 4 MO).

تودرت ن صَموئيل

ݣ  تودرت  ن  صَموئيل  أد  تيسيند  ميمش  إلولا  س  رّحمت  ن  ربّي ،  ميمشاس  إغرا  ربّي  إ  لخدمت  نّس،  ميمش  إنبض  خف  واراوْ  ن   إسرائيل  س  ثامني  (نغد  لعدالا).  أد  تانّايْد  ميمش  إخوا  زّيت  خف  إخف  ن  شاول  (طالوت):  إمسحث  نغد  إستيث  أد  إݣ  أݣلّيد  أمزوارو  ن  أيت  إسرائيل.  أد  تانّايْد  ميمش  إكّا  لا  إتوَبّاخ  شاول،  تانّايْد  ألتو  ميمش  إخوا  زّيت  خف  إخف  ن  سيدنا  داود  حما  أد  إݣ  أݣلّيد،  إدّخ  ؤر  إقبِل  ربّي  شاول  خف  أغوّغ  نّس  د  لمعصيات  نّس.  لشتوب  ن  صَموئيل  س  سين  لاخ  تّـلمادن  إس: ” بنادم  لا  إتّراعا  غر  برّا،  إد  سيدي  ربّي  لا  إتّراعا  غر  وول ” (1 صَموئيل  16 : 7).  مايْد  إتّافا  ݣ  وول  نّـش/ نّم؟  أدج  أوال  ن  ربّي  أداش/ام  إسيوَل  زي  تودرت  ن  صَموئيل.

حما أ تسموتّيت تودرت ن صَموئيل  س   م ب 3، نقّر دا (mp3-zip – 21 fichiers – 104 MO).

تودرت ن سيدنا داود

زݣ ثودرث ن داود، ثدّاد أ تّيسيند إس إكّا لا إكسّا  ؤلّي داث ن مايث إسثي سيدي ربّي حما أد إݣ أݣلّيد خف واراوْ ن إسرائيل أها إنبض غيفسن زݣ ثمدينث ن لقُدس (نغد ؤرُشَليم). إݣا سيدي ربّي ثاضا أݣيدس، إقاولاس أ تّقّيم ثنباطّ نّس أبدا. ميمش؟ إدّخ لمسيح إدّا أد ديدّو زݣ ثارْوا نّس أها ثيلي ثݣلديت نّس خف كول ميدّن ن واشال. شيݣان إمكاشفن ثانيلا ن لمسيح إوْضناخد زݣ لشثاب ن ژّابور (نغد تييْفرين) ن نّبي داود. يارو شيݣان ن إواليون ن لعبادة “ن ؤسومد” (أم ݣ ؤمور ويس 22 زݣ لشتاب ن صَموئيل ويس سين:  2 صَموئيل 22). نسول ألثو داثن نسّخدام ݣ ؤمݣراوْ نّخ د سيدي ربّي.

ثودرث ن داود ثشقّا، كّان غورس شيݣان ن إنضليبن (زيݣسن يوك زݣ واراوْ نّس نّاث إغدرن).  داود  أݣّد نتّا إكّا إلازم غيفس أد إثوب زݣ دّنوب نّس.  ماشان وخّا أياد، ربّي إسّخدمث أم ؤݣلّيد د نّبي نّا يارون ژّابور (نغد تييْفرين) أها إݣيث زݣ لجدود ن لمسيح. إس ثريد أش/أشم  إسّخدم ربّي إ وينّا إژيلّ ݣ دّونيثاد؟ سَّغد إ ثودرث ن داود أها ثتّرد إ ربّي أد إسّيغ واوال نّس ؤل نّش/نّم.

حما أ تسموتّيت تودرت ن سيدنا داود  س   م ب 3، نقّر دا (mp3-zip – 18 fichiers – 85 MO).

تودرت ن سيدنا دانيال

تاد أيْد إگان لقيست ن نّبي دانْيال نّا إتـّونـْفا غر تمازيرت ن بابـِل أد إﮒ لمُسْـتـَـشار تسگا ن إﮔـلدان. إلـّا إتـّوياسّـن س تانژّي نّس، د زّعامت نّس، ييلي ديگس لامين، أها إگ غاس أينّا إمنان، واخّا إتّوكـّرفاص خف ﺅيا. ﺅر إري أد إﮋّال إ يـيـد صَّنَم، أينّاخ إست ﮔران غر يوت ن تسْرافت ن إزماون، وَلاينّي ربّي ياغاس أفوس. دانْيال إعبد أﮔـلـّيد ن إﮔـلـْدان د باب ن إد باب. إ شـﮒ نغد شم؟

حما أ تسموتّيت تودرت ن سيدنا دانيال  س   م ب 3، نقّر دا (mp3-zip – 12 fichiers – 59 MO).

تودرت ن سيدنا يونـس

يونس إغراياس ربّي حما أد إدّو أد إنهو شّعب إمعصي ن تمدينت تمقرانت إسم نس نينـَوى. ألـّيگ إرول زي لخدمت نّاس يوشا ربي، إصرط ّ يوك ؤسلم إمقـّور. إلازمت أد إتوب بعدا نتـّا. غر تينگيري إدّا غر نينـَوى أليگـتن إنها أها توبن ميدّن. ديس أيد إلمد يونس شيگان خف ؤسامح د رّحمت ن ربي.

حما أ تسموتّيت تودرت ن سيدنا يونس  س   م ب 3، نقّر دا (mp3 – 1 fichier – 3 MO).

إنغميسن نّا دا إسّفراحن

أياد لاخ إتعاواد أنغميس إژيلّ ن لخدمت ن ربّي حما أد إفوكـّو شّعب نس زي دّنوب نسن. سّغداس حما أد تيسيند ميمش تدّود غر إگـنّا.

مش تريد أد تقراد أوال نّا دا إساوالن خف «إنغميسن نّا دا إسّفراحن» نقـّر داها.

حما أ تسموتّيت إنغميسن  نّا  دا  إسّـفراحن  س   م ب 3، نقّر دا (mp3 – 1 fichier – 9 MO).

لإنجيل خف ﺅفوس ن ماتّى

واد أيْد إݣان لإنجيل ن سيدنا عيسى نّا يارو ؤمازان ن لمسيح إسم نّس ماتّى.  ݣ لشتاباد لا نتانّايْ ميمش ددّان ييتس ن ميدّن زي تمناطّ ن ؤنقر (تمازيرت ن واعربن نغد ن لفُرس) ؤويند لهديات إ سيدنا عيسى ݣ لوقت ن تلاليت نّس.  لا نتانّايْ ديس ألتو نّبي يحيى ممّيس ن زكريا ميمش لا يتݣوّاد ميدّن ن شّعب غر سيدنا عيسى.  لشتاباد لاخ إتّـنعات ألتو سيدنا عيسى لا إجّوجّي إموضينّ، إسّوفغ زيسن أدجنون، إسكّر إمتّين، إروراسن إضرغالّ ألّن نّسن.  إنعتاخ ألتو سيدنا عيسى لا إتدّو نّيݣ ن وامان إنعتاخت لا يسّتشا إجمّوعن ن ميدّن، أرتن إتّـلماد إبشّرتن إقّيساسن تِحاجييين.  أراخ إتّـنعات ألتو لشتاباد ميمش لاخ إتّـنهو سيدنا عيسى خف نِّفاق أها إنبّهاخ تانيلا ن لحْشام ن مولانا ݣ واسّ أنݣّارو.  إنعتاخ ميمش إمّوت لمسيح نّيݣ ن إسيݣل (نغد صَّليب) أها ياغولد غر تودرت حما أداخ إفوكّو زي لعقوبيت د لحشوميت (نغد لعيب) ن لحْشام نّا نستاهل غر تينݣيرا، لاخ إتّـنعات لشتاباد ميمش دا إتّازن سيدنا عيسى إمومنّ أد سّيوضن تبراتّ نّس ن ؤنغميس إژيلّ إ ميدّن كول ݣ دّونيت.

حما أ تسموتّيت لإنجيل  س   م ب 3، نقّر دا (mp3-zip – 28 fichiers – 174 MO).

لإنجيل خف ﺅفوس ن لوقا

لوقا، أمازان ن ربّي، لاخ إتقـّيس لإنجيل ن سيدنا عيسى لمسيح. أوال ن لإنجيل لا إتعنو « أنغميس إژيلّ ». لإنجيلاد ن لوقا لا إتقيس تودرت ن لمسيح د تلاليت نس س لمُعجـِزا د لمُعجـِزات نّا إگا د ميمشت نغان ميدّن واخّا ؤر إستاهل لموت. تـَنـْشْرا نس زي لموت ضارت ن شراض ن ووسّان لاخ تـّـنعات إس إرّا دّنوب د جهنّما د شياطين د إبليس. أنغميس إژيل إسْد إدّا لمسيح غر دّونيت حما أد إفوكـّو ميدن إمعصيتن أم نوكني.

مش تريد أد تقراد أينّا يوري لوقا نقـّر داها.

حما أ تسموتّيت لإنجيل  س   م ب 3، نقّر دا (mp3-zip – 25 fichiers – 60 MO).

لفيلم ن تودرت ن سيدنا عيسى خف ؤفوس ن لوقا

أوالاد خف تودرت ن لمسيح لا إتقّـيس خف تلاليت نس د تودرت نس د لمُعجـِزات نس د لموت نس د تـَنـْشْرا نس زي لموت د والي نس س إگـنّا. أ دّيگس تافيت ماخف ألـّيگ ديدّا لمسيح د مايد إلـّان گ تبراتّ نس د ما داخ تّيني لموت نس د تنشرا نس لوقتاد. لبدو ن واوال لاخ إتـّـنعات أنسا ن لمسيح إنگر ن لانبيا.

حما أ تسموتّيت تودرت ن سيدنا عيسى  س   م ب 3، نقّر دا (mp3-zip – 2 fichiers – 20 MO).

لإنجيل خف ﺅفوس ن يوحَنّا

يوحَنّا، أمازان ن ربّي، لاخ إتقّيس أوال ن لإنجيل ن عيسى (نغد يَسوع) لمسيح. ݣ لشثاباد لا إتّوسمّا لمسيح د أوال ن ربّي. يوحَنّا أغطّاس ( نغد يحْيى ممّيس ن زَكَريا) لا إتّيني خف عيسى : « راعا أعلّوش ن ربّي نّا إتّاسين دّنوب ن دّونيث». ݣ لشثاباد ثدّاد أ تّافيد شيݣان إسماون ن عيسى لمسيح. لا إتّيني ديݣس عيسى س إخف نّس : « نكّين أيْ ݣيخ أغروم ن ثودرث، أغروم إدّرن نّا ديضّارن زݣ إݣنّا، أسيدّ ن دّونيث، ثيفْلوث، أمَكْسا إژيلّ، ثانْشرا د ثودرث، أبريد د لحقّ د ثودرث». ييني ألثو « نكّين أيْ ݣيخ دّيليث ثارسليث».

ݣ لشثاباد لا إتّوسمّا ألثو عيسى د ممّيس ن ربّي. إسم نّا ؤر دا تّفهامن شيݣان ن ميدّن ݣ دّونيث. إژيل أ نّحاول أتّ نفهم س لْمَعْنا نّس ثاروحيث. عيسى، لا إتّوسمّا د ممّيس ن ربّي إدّخ نتّا أيْداخ إتّنعاثن س ثيتّ ماتّا نتّا سيدي ربّي. كول ؤنّا إغْران نغد إسّغد إ لشثاباد إژيل أد إتّر إ مولانا إنيياس : « عفاش أ سيدي ربّي، نعثييي ماتّا نتّا شݣّ، إدّخ ريخ أش إسينخ س وول إنو».

حما أ تسموتّيت لإنجيل  س   م ب 3، نقّر دا (mp3-zip – 21 fichiers – 92 MO).

إسكّينّ نّا ݣان إمازانّ

إسكّينّ نّا گان إمازانّ

أوالاد إتـّواسي زگ لشتاب ن « إسكـّينّ نّا گان إمازانّ »، نّا إتـّـْيـيسين زگ لشتاب ن ربّي نّا إتـّوسّفران س تمازيغت. لوقا أ دا إتقـّيسن س ؤقمو نس لقيست ن تودرت ن إمومنّ إمزوورا د تمارا نّا غيفسن إكـّان ضارت ن مايد يولي سيدنا عيسى غر إگـنّا، حما أد صّيوضن أوال نس إ ميدّن.

لـّيگ غيفسند إضر رّوح ن ربي أر ساوالن س واوال ن لگنوس ضنين، غالن ميدن إس سوان شّراب؛ ماشان يوشاس ربي إ بُطرُس زّعامت أداسن إسّفرو س واوال ن ربي أينّا إجران. أر إسّارا نتـّا د يُحَـنّا أر تبرّاحن س إنغميسن ژيلنين خف لمسيح أها تـّوكرفصن شيگان.

بولـُس نتا إكـّا ييسم نس شاوُل، أر إتـّكرفاص أگراوْ ن إمومن، أر إتسبّاب گ لموت نسن؛ ماشان يان واسّ إفـّغد غورس لمسيح س إخف نس أها إبدّل تودرت نس. بولـُس تكـّا غيفس تمارا إوعرن حما أد إضاع تنباط ّ ن سيدنا عيسى لمسيح ليگ أس إنّا: « گيخش د أسيدّ إ لگنوس نّا ؤر گينين ؤداين حما أنّ تصّيوضّ أفوكـّو إ دّونيت كول ». إكـّر بولـُس أر إتكـّا تيميزار أر إتبرّاح س واوال ن ربي، إصبر إ تـْخَـنـْدالـّاسين ن ميدّن د تماريوين نّا غيفس سيكـّان، إصبر أگـّد إ تيتي د لحبس.

مش تريد أد تقراد لشتاب كول س تمازيغت، نقـّر داها.

حما أ تسموتّيت لستاب كول  س   م ب 3، نقّر دا (mp3-zip – 4 fichiers – 40 MO).

ثبراتّ ن ؤمازان بولوس إ إمومنّ ن ثمدينت ن روما

ثبْراتاد ياروتّ ؤمازان بولُس إ إمومنّ نّا إلّان ݣ ثنديمث ن روما. إنݣر إواليون نّايْد إنّا، لا إتّيني: “هاثين ؤر دا تحشّامخ شا أدّاي دا ساوالخ خف لإنجيل ن لمَسيح، إدّخ إݣا لجهد ن ربّي نّا دا إتفوكّان كول ونّا إس يومن…”. ݣ لشثاباد، بولُس لا إساوال خف ميمش تّيغييْن إمَعْصين أم نُكْني أد تّوقبلن زي ربّي نْتّا نّا إزدّيݣن إصفو، بْلا لْمَعْصياث. إسيول خف ميمش إتّيغييْ رّوح ن ربّي أد إبدّل ثودرث نّخ أها إسّمغوراخ ݣ ثازدݣي ن وول، إسيول ألثو خف ميمش لاخ إحطّو مولانا ثمانس وخّا ݣ وامّاس ن إمَرْميدن د ثمارا ن دّونيث. إژيل أ نسّين إس ربّي إلّا غورس يوك ن لبلان إ ثودرث ن كو يوك زيݣنخ. إس ثريد أ تّيسينث وينش؟ سّغداس إ لشثاباد حما أتّ ثافيث ديݣس.

حما أ تسموتّيت لشتاب كول  س   م ب 3، نقّر دا (mp3-zip – 16 fichiers – 52 MO).

ثبراتّ ن ؤمازان بولوس إ إمومنّ ن تمازيرت ن غَلاطِيّا

ݣ لشثاباد إݣان زݣ تاضا توجديتّ (لعهد ؤجديد) طّرف ويس سين ن لشثاب إقدّسن، أمازان بولوس دا إسنعاث إس لغفران ن دّنوب نّخ دا ديتّدّو زي ليمان س عيسا لمسيح ؤريد س طّاعث نّخ إ لوصاياث ن شّرع. أزيّن نغد أعدّول ماشي نتّا أساخ إتّقبال سيدي ربّي. ثاموت نّخ غر شا ن ؤݣراوْ ن إژوران نغد ن دّين ؤراخ إسّقبال ألثو غر سيدي ربّي. أݣّد طّاعث ن لوصاياث ن ربّي ؤر دا ثسّرضو ربّي. ماشان ليمان ݣ عيسا لمسيح، نتّا نّا إعيشن ثانيلا نّخ أها إمّث ݣ وانسا نّخ إكّر زي لموث. أياد أداخ ياكّان أنسا ن ؤقبال غر سيدي ربّي أم لابرار داثاس.

إدّخ نعصا لوصيث ن ربّي نيويد غيفنخ لّعنث  ن شّرع. ماشان أنغميس إژيلّ نتّا إس “لمسيح إفوكّو ياخ زي لّعنث ن شّرع إدّخ ياغول لّعنث ݣ وانسا نّخ” (13:3). إس ثسولث ألثو دّاو ن لّعنث ن شّرع؟ إس ثريد أد تّوحرّرث زي لّعنثاد؟ سّغداس إ لشثاباد حما أ تّيسينث ميمش تّݣّاث أحورّي د ميمش تتّيلي غورش/م لغلت ن رّوح ن ربّي ݣ ثودرث نّش/نّم.

حما أ تسموتّيت لشتاب كول  س   م ب 3، نقّر دا (mp3-zip – 6 fichiers – 18 MO).

ثيبراتين ن ؤمازان بولوس إ إمومنّ ن ثمدينين ن أفاسوس

أفاسوس ثكّا ثݣا يوث ن ثمدينث نّامي يمقّور وادّور. ثوساد خف يير ن لبحر ݣ ؤغلّوي ن ثمازيرث ن أسيا ثامژّيانث (توركيا دغي ). ئكّاتّيد ؤمازان بولوس ثيكّلث ثامزواروتّ ݣ ثوادا نس ثيسّ سناث نّاݣ أر ئتبرّاح س ئنغميسن ژيلنين (ئسكّين نّا ݣان ئمازانّ 18: 19ـ21). د ݣ ثوادا نس ثيسّ شراطّ (ئسكّين نّا ݣان ئمازانّ 19) ئقّيمانّ ديكس شراض ن ئسݣّاسن أر ئسّلماد أݣراو ن ئمومنّ نّا يسمون ديسّ. د لشثاب أد ݣ لعهد ؤجديد ( ثاضا ثوجديتّ) نّا غر ئلّا ييسم ن ثمدينث أد، نتّا ثابراتّ نّا ياري ؤمازان بولوس ئي ؤݣراو ن ئمومنّ نّا يلّان ديسّ.

ݣ ثبراتّ أد، داسن ئتقّيس بولوس، أراخ ئتقّيس أود نوكني، مايد ئݣا سيدنا عيسى غيفنخ د ميمش أيداخ ئرا أنيدير. أراخ ئسنعاث رّحمث ن ربّي، د ؤينّا يعوّل أد ئيݣ حما أد ئفوكّو ميدّن ن لݣنوس ن دّونيث س ماس ثلّا. أراخ ئسنعاث ألثو ميمش أيد ئخصّا أتّيلي ثامونتّ ئتݣر ن ميدّن ن ربّي، د ميمش أيد ئخصّا أنكّس لمعصيث أها نمنو داث ن ربّي. ئسيول بولوس ألثو ݣ ثبراتّ أد أود خف ميمش أيد ئخصّا ئي يرݣزن د ثوثمين نسن أد مييرين اها موقّارن ئنݣراتسن، د ميمش أيداخ ئخصّا أنيلي نوجد أننّال ثيثيوين ن ئبليس.

مش تريد أد تقراد لشتوب كول س تمازيغت، نقـّر داها.

حما أ تسموتّيت لشتوب كول س م ب 3، نقّر دا (mp3-zip – 6 fichiers – 24 MO).

ثبراتّ ن ؤمازان بولوس إ إمومنّ ن ثمدينت ن فيليبّي

فيليبّي ثكّا ثݣا يوث ن ثمدينث نّا ستعمرن رّومان. ثوساد ݣ ؤژلماض ن ثمازيرث ن ماكيدونيا ( لْيونان دغي ). ݣ ثوادا نس ثيسّ سناث، ئسمون بولوس د ئسمونّ نس أݣراو ن ئمومنّ أمزوارو ݣ ثمازيرث ن ؤروبّا (ئسكّين نّا ݣان ئمازانّ 16 : 12 ـ 40 ). د لشثاب أد زݣ لعهد ؤجديد ( ثاضا ثوجديتّ) نّا غر ئلّا ييسم ن ثمدينث أد ن فيليبّي، نتّا ثابراتّ نّا ياري ؤمازان بولوس ئي وݣراو ن ئمومنّ ديسّ. ئرا أثن ئسنومّر خف ثرزّيفث نّاس ؤزنن، د خف ؤسعاون نّا ثسعاونن اد ئبرّح س ئنغميسن ژيلنين.

ݣ ثبراتّ أد داخ ئسّلماد ؤمازان بولوس ميمش أيداخ ئخصّا أنفرح، نحمد ئي ربّي أها ؤر نتّاسي أنزݣوم. ؤر نسخاثار س ئخخفاون نّخ مشان أنحاسب وييّاض ئيس أخ ؤفن أها نزّوور نّفع نسن خف وينّخ. أر نتّيسين ألثو ݣ ثبراتّ أد ميمش أي نّيزري لمسيح أنسا ن لعزّ يدّود غر دّونيث أد أها يضاع أود أد ئمّث خف ئحنيݣن ن ؤطّورق، د ؤفوكّا ؤر ئيد س لاعمال مشان س سيدنا عيسى لماسيح، د نوكني أيث ييݣنّا أيد نݣا.

مش تريد أد تقراد لشتوب كول س تمازيغت، نقـّر داها.

حما أ تسموتّيت لشتوب كول س م ب 3، نقّر دا (mp3-zip – 4 fichiers – 17 MO).

ثبراتّ ن ؤمازان بولوس إ إمومنّ ن ثمدينت ن كولوسي

ݣ لشثاباد ن ثاضا ثمايْنوت (نغد لعهد ؤجديد) ن لشثاب إقدّسن، بولُس أمازان، لا إتّارو إ لكنيسث نّا إلّان ݣ ثمدينث ن كولوسي (د نكني أۡݣيدسن ألثو). لاخ إتّنبّاه ثانيلا ن لفلسفاث د لحيلاث إخوان نّا دَتَدّون زي بنادم ماشي زي لمسيح. عدّان وينّا إتّينين: أدور تّاسي أياد. أدور تّارم أياد. أدور سّا أياد. ماشا كول إزرفاناد، وخّا لا تَّضْهار ديݣسن ثانژي، ؤر غورسن أݣّد شا ن ؤثيݣ حما أد رّون شّهاوي ن وول ن بنادم.  كول ؤنّا إران أد إرّو شّهاوي ن وول ن بنادم ؤر إژيلّ، إژيل أد إسّغد إ لشثاباد حما أد ياف ديݣس أسوفغ د ؤسعاون زي إواليون ن مولانا نّا ديݣس إلّان.

حما أ تسموتّيت تبراتّ كول  س   م ب 3، نقّر دا (mp3-zip – 4 fichiers – 18 MO).

ثبراتّ تمزواروت ن ؤمازان بولوس إ إمومنّ ن ثمدينت ن تَسالونيكي

لشثاباد أيد إݣان لشثاب أمزوارو نّا يارو بولُس أمازان ن لمسيح. لا إساوال ديݣس إ لكنيسث ثوجديت نّا إلّان ݣ ثمدينث ن تَسالونيكي (ݣ ثمازيرث ن لْيونان ن ضغي). ميدّن ن لكنيسثاد سلّان أها قبلن أنغميس إژيلّ ن عيسى المسيح (نغد يسوع لمسيح). س ليمان د تّوبث، زرين لاصنام نّا كّان لا تّعْبادن حما أد خدمن سيدي ربي أرسلي إدّرن، أر تْيونويْن لمسيح أد دْياغول زي إݣنّا نّاغر يولي ضارث ن مايْث إسكّر ربّي زي لموث. نتّا أيْد إغييْن أداخ إحرّر زي لغضب نّا ديتدّون زي لحشام ن ربّي. لا إتّيني لشثاباد إس لمسيح إدّا أد دْياغول ݣ لوقث نّاخف ؤر إعْوِل أوْد يوك. إس ثلّيث شݣّ (نغد شمّ) ثوجدث؟ سّغداس إ لشثاباد حما أ تّافيث لوَجاب إ ؤسقساياد.

حما أ تسموتّيت لشتاب كول  س   م ب 3، نقّر دا (mp3-zip – 5 fichiers – 12 MO).

ثبراتّ تيس سنات ن ؤمازان بولوس إ إمومنّ ن ثمدينت ن تَسالونيكي

ݣ ثبراتّاد ثيس سناث إ لكنيسث نّا إلّان ݣ ثمدينث ن تَسالونيكي (ݣ ثمازيرث ن ليونان ن ضغي)، أمازان بولوس دا إساوال شيݣان خف ثاوادا ثيس سناث ن لمسيح، زعما أغول ن لمسيح غر أشال ݣ ثينييري ن زّمان. أدّاي دياغول عيسا إدّا “أد إعاقب وينّا ؤر إسّين ربّي د وينّا ؤر دا إضّاعن لإنجيل ن ربّي نّخ عيسا لمسيح” (8:1). إس دا تّيسينث ربّي؟ إس دا تضّاعث لإنجيل؟ إس دا تمونث (دا تضفورث) د عيسا لمسيح؟  سّغداس إ لشثاباد حما أ تّافيث ميمش تفوكّوث قبل أد دياغول عيسا لمسيح.

حما أ تسموتّيت لشتاب كول  س   م ب 3، نقّر دا (mp3-zip – 3 fichiers – 6 MO).

تبراتّ إ إعبرانين

ماتّا نتّا ؤزداݣ (لعلاقا) نّا إنݣر تاضا (لعهد) توجديتّ د تاضا تقديمت؟  مايد إݣان ثاضا، د ماخف نحدادجا يوك ن تاضا توجديتّ ؟  ماخف ألّيݣ دا نتّيني خف تاضا أد إس تݣا توجديتّ؟ ماخف ألّيݣ ؤر دا غرّسن إمومنّ إمسيحين إ ثمغراس (إ إحولييْن)؟  إس إمساسا موسا د عيسا أم لانبيا؟ إس يوݣر عيسا لملايكاث؟  ماتّا نتّا هارون، ماخف أليݣث يوݣر عيسا؟  إس إسول ألثو نحدادجا إ ثاردا ن لوضو؟ ماخف ألّيݣ ؤر إلّي لغفران ن دّنوب بلا أنغال ن إدامّن؟ مايد إݣان لقُدس (ؤروشليم) ن إݣنّا؟  ميدّن أم هابيل د نوح د براهيم د يوسف د موسا د داود د لانبيا يضن، إس كّان دا تّامنّ س لمسيح؟  إس كّان دا تݣونويْن شيݣان (س ثيتّ) ثاوادا نّس غر أشال؟  سّغداس إ لشتاباد ن إعبرانين حما أ تّافيث كول إرارن إ إسقساتناد د وييّاض ألثو.

حما أ تسموتّيت لشتاب كول  س   م ب 3، نقّر دا (mp3-zip – 13 fichiers – 39 MO).

تبراتّ ن يعقوب

يعقوب، ؤماس ن عيسى، يارو تبراتاد إݣان زي تاضا  توجديتّ  (نغد  لعهد  ؤجديد) طَّرْف ويس سين ن لشتاب إقدّسن. ݣ تبراتاد لا إساوال يعقوب خف شا ن إسنيتيل (لمواضيع) أم: تاسيت ن تمارا د إجرّيبن ن دّونيت، أوال ن لحق، دّين إزدّيݣن بلا إرشان، إسيول خف تودماوين، د ليمان إتمون د لعمل، إسيول ألتو خف ميمش نتّامژ إلس نّخ، إسيول خف تانژي ن سيدي ربي، إسيول خف سّبب ن إنيغان إنݣراخ، ياويد ألتو أنبّه إ  وينّا إطرّحن، غر تينݣيري إسيول خف صّبر د نوكني لا نتْيونويْ تاغولت ن عيسى لمسيح.

حما أ تسموتّيت تبراتّ كول  س   م ب 3، نقّر دا (mp3-zip – 5 fichiers – 20 MO).

تبراتّ تمزواروت ن ﺅمازان يوحنّا

ݣ تبراتاد تمزواروت ن يوحَنّا أمازان، لا إساوال خف رّوح ن لمسيح أدجّال (نغد ضد ن لمسيح). ميمش لا إتّومِيّاز ليمان أرْسلي ݣ لمسيح زي ليمان إغالضن نغد ؤر إݣين أرْسلي؟ ونّاغر إلّا ليمان أرْسلي لا إتدّو ݣ واسيدّ، لا إتّامن إس عيسى أيْد إݣان لمسيح. أر إتّيري أيْتماس د إستماس ݣ ليمان س تايْري نّا ديتدّون زي بابا ربّي. إلّا غورس رّوح ن مولانا ݣ وول نّس أر إحطّو لوصيات ن سيدي ربّي أر إرول زي لاصنام.

ݣ تبراتاد أي غورخ لايْت إغلان إتّينين: “سيدي ربّي تايْري أيْد إݣا”. ونّا إران أد إسين ميمش إتّيري مولانا إسين ألتو مشتا أيْداخ إتّيري سيدي ربي أد إسَغد إ مايْ ديدّان ݣ تبراتاد.

حما أ تسموتّيت تبراتّ كول  س   م ب 3، نقّر دا (mp3-zip – 5 fichiers – 20 MO).