لوغات

ؤجديد

أسموتّي

أزن أينّا إلّان كول زگ لانتيرنيت غر إبود, بوتابَل نَغد لكومبيوتر نّـش

ن ؤسّغاد

لقيست ن ربّي د بنادم

تاد أيد إگان لقيست ن ربي د ميدّن: ميمش إخلق ربي بنادم د ميمش تعصا بنادم د ميمش إگا ربي حما أد إغفر دّنوب ن شّعب نس. يوت ن لقيست ن تايري زي تيزويري آل تينگيري!

سيدنا نوح

لقيست ن نّبي نوح د طـّوفان د تاضا (نغد لعهد) نـّا إگا ربّي د نوح د ميدّن كول.

تودرت ن سيدنا موسى

لقيست ن نّبي موسى. ربّي إسخدمت حما أد إسّوفغ تاروا ن إسرائيل ( نغد بني إسرائيل) زي مصر. نتـّا أيد يـيوين زي ربي شّريعا نّاگ لـّانت عشرا ن لوصيات. أمشيد إزايد ربي س موسى إ تاضا نس د شّعب نس.

لقيست ن يوت ن تمطـّوط ّ، إسم نس راعوت، نّا إتـّومرّتن س لموت ن ؤرياز نس. تكـّا لا تـّيري تمغارت نس عنوگـّا، تزرين تمازيرت نّاگ تلولا حما أ تمون ديدس. أمشيد أي تسّن سيدي ربّي أرسلي نّاس يوشان يون ؤرياز تعيش ديدس گ لهنا د ؤفراح. نتـّات أيد إگان إمّاحلـّوس ن إبّاس ن نّبي داوُد تيگ ألتو زي إژوران ن لمسيح.

تودرت ن يونـس

يونس إغراياس ربّي حما أد إدّو أد إنهو شّعب إمعصي ن تمدينت تمقرانت إسم نس نينـَوى. ألّيگ إرول زي لخدمت نّاس يوشا ربي، إصرط ّ يوك ؤسلم إمقـّور. إلازمت أد إتوب بعدا نتـّا. غر تينگيري إدّا غر نينـَوى أليگـثن إنها أها توبن ميدّن. ديس أيد إلمد يونس شيگان خف ؤسامح د رّحمت ن ربي.

إنغميسن نّا دا إسّفراحن

أياد لاخ إتعاواد أنغميس إژيلّ ن لخدمت ن ربّي حما أد إفوكّو شّعب نس زي دّنوب نسن. سّغدتاس حما أد تيسينم ميمش تدّوم غر إگـنّا.

مش ترام أد تقرام أوال نّا دا ئساوالن خف «إنغميسن نّا دا إسّفراحن» نقّرات داها

لإنجيل ن سيدنا عيسى لمسيح إمشينّات ياري ؤمازان لوقا

لوقا، أمازان ن ربّي، لاخ إتقـّيس لإنجيل ن سيدنا عيسى لمسيح. أوال ن لإنجيل لا إتعنو « أنغميس إژيلّ ». لإنجيلاد ن لوقا لا إتقيس تودرت ن لمسيح د تلاليت نس س لمُعجِزا د لمُعجِزات نّا إگا د ميمشت نغان ميدّن واخّا ؤر إستاهل لموت. تـَنـْشْرا نس زي لموت ضارت ن شراض ن ووسّان لاخ تـّـنعات إس إرّا دّنوب د جهنّما د شياطين د إبليس. أنغميس إژيل إسْد إدّا لمسيح غر دّونيت حما أد إفوكـّو ميدن إمعصيتن أم نوكني.

مش ترام أد تقرام أينّا يوري لوقا نقّرات داها

تودرت ن سيدنا عيسى

أوال-اد خف تودرت ن لمسيح لا إتقّـيس خف تلاليت نس د تودرت نس د لمُعجِزات نس د لموت نس د تـَنـْشْرا نس زي لموت د والي نس س إگـنّا. أ دّيگس تافيت ماخف ألّيگ ديدّا لمسيح د مايد إلّان گ تبراتّ نس د ما داخ تّيني لموت نس د تنشرا نس لوقتاد. لبدو ن واوال لاخ إتّـنعات أنسا ن لمسيح إنگر ن لانبيا.

لقيسات ن سيدنا عيسى

لمسيح لا إتقـّيس لقيسات أها يوش لمِتال حما أد إلمد لحق ن ربّي. هان ربعا زيگسنت.

أوال ن سيدنا عيسى خف تادجّوارت
ميمش تّيريت أدجّار نش؟ لقستاد لاخ تاكّا لوَجاب.

لقيست ن يون ؤرگاز د واراوْ نّس س سين

مشتا ن ؤفراح أيد إلّان گ إگـنّا أدّاي إتوب يوك إمعصي؟ د ميدن نّا تغالّ إس ؤر حدادجان أد توبن؟ لوَجاب إلّا گ لقيستاد.

مش ترام أد تقرام «لقيست ن يون ؤرگاز د واراوْ نّس س سين» نقّرات داها

لقيست ن تمغرا تخاتارت
متّا ويد نّا إتّيلين حاضرن گ لفيشطا گ تگلديت ن ربّي؟ إس دا تّيسيند إس تّوعرضت؟ لوَجاب أ تّافيث گ لقستاد.

لقيست ن زاكّا
إس أد إغييْ ربّي أد إغفر إ بنادم مي يوسع ؤديس إگ أموشار؟ لوَجاب أ تّافيت گ لقيستاد.

إسكّينّ نّا گان إمازانّ

أوال-اد ئتّواسي زگ لشتاب ن « إسكّينّ نّا گان إمازانّ »، نّا إتّـْيـيسين زگ لشتاب ن ربّي نّا إتّوسّفران س تمازيغت. لوقا أ دا إتقّـّيسن س ؤقمو نس لقيست ن تودرت ن إمومنّ إمزوورا د تمارا نّا غيفسن إكّان ضارت ن مايد يولي سيدنا عيسى غر إگـنّا، حما أد صّيوضن أوال نس إ ميدّن.

لّيگ غيفسند إضر رّوح ن ربي أر ساوالن س واوال ن لگنوس ضنين، غالن ميدن إس سوان شّراب؛ ماشان يوشاس ربي إ بُطرُس زّعامت أداسن إسّفرو س واوال ن ربي أينّا إجران. أر إسّارا نتّا د يُحَـنّا أر تبرّاحن س إنغميسن ژيلنين خف لمسيح أها تّوكرفصن شيگان.

بولُس نتا إكّا ييسم نس شاوُل، أر إتّكرفاص أگراوْ ن إمومن، أر إتسبّاب گ لموت نسن؛ ماشان يان واسّ إفّغد غورس لمسيح س إخف نس أها إبدّل تودرت نس. بولُس تكّا غيفس تمارا إوعرن حما أد إضاع تنباطّ ن سيدنا عيسى لمسيح ليگ أس إنّا: « گيخش د أسيدّ إ لگنوس نّا ؤر گينين ؤداين حما أنّ تصّيوضّ أفوكّو إ دّونيت كول ». إكّر بولُس أر إتكّا تيميزار أر إتبرّاح س واوال ن ربي، إصبر إ تـْخَنـْدالّاسين ن ميدّن د تماريوين نّا غيفس سيكّان، إصبر أگّد إ تيتي د لحبس.