ثاد أيْد إݣان ثابراتّ تيس سناث ن ؤمازان بولوس إ ؤمحضار نّس تيموثاووس، نّايد إݣان أنبداد د لمُبشّير، زعما ؤنّا إتخبّارن س ؤنغميس إژيلن ن ؤفوكّو. أمازان بولوس دا إسبوروز أمحضار نّس تيموثاووس أراس إتّيني: ” إد شݣّين أمژ ݣ ؤينّا ثلمدّ أها ثامند نّيث إس إݣا س ثيتّ، د شݣّين ثسّند وينّاش سّلمدنين. د زݣّوس ثمژّيد أيْ ثسّند أرّاثن ن ربّي (تّوراث د زَّبور) إزدّيݣن، يغين أداش إوش ثانژّي نّا دا إتّاوين غر أفوكّا س ليمان س سيدنا عيسا لمسيح” (14:3-15). ؤر إژيل شا أ نّحشّم أ نّشاهد إ ربّي نّخ، ماشان إلازم أ نّاسي أمور نّخ زݣ ثمارا ثانيلا ن لإنجيل.
إس ثريد أد ييلي غورش/غورم ليمان إصحان، بلا ثوݣدا ݣ وامّاس ن ثمارا؟ إس ثريد أ تّݣيث يوك ن شّاهد نّاݣ إلّا لامين، ݣ لخدمث ن مولانا؟ سّغد إ ثبراتّاد “د مولانا إدّا أداش/ام إوش لفهم ݣ مايد إݣان شا” (7:2).
حما أ تسموتّيت لشتاب كول س م ب 3، نقّر دا (mp3-zip – 4 fichiers – 16 MO).