گ لحقيقا ؤر إلّي غاس يوك ن لإنجيل نتّا أيد إگان أنغميس إس أ تّـيغـيـيْـت أ تّـفوكّوت زي دّنوب نش س مايد إگا لمسيح تانيلا نش. لا إتّيني لشتاب: « إكّا لمسيح لا إتدّو أر إتخبّار ميدّن س لإنجيل ن ربّي » (مَرْقـُس 1: 14).
ألّيگ دا ساوالن ربعا ن لشتُب إمزوورا ن تاضا توجديتّ ( لعهد ؤجديد) كول نسن خف لمسيح كو يوك زگ يوت ن تامناط ّ إخصّان ( لوقا 1: 1 ـ 4) ، أنّاين إمومنّ إمزوورا أد زايدن إسم ن لإنجيل إ ييسم ن ؤمحضار نّاد ييوين أوال زگ سيدي ربي. أمشيد لا نتّيني إ لشتاب ن متّى لإنجيل ن متّى، وين مَرْقـُس لإنجيل ن مَرْقـُس، وين لوقا لإنجيل ن لوقا، د وين يوحَنّا لإنجيل ن يوحَنّا.
أمشيد إدّخ كول لشتاب ن تاضا توجديتّ نتّا أگ إلّا ؤنغميساد د ؤفرويْ نس، أياد أخف دا إتوسمّا ييتس ن تِكّال س لإنجيل، س ؤماتا گ تميزار ن واعربن د تين إمازيغن.