تيغري

إنغميسن  نّا  دا  إسّفراحن

أياد  لاخ  إتعاواد  أنغميس  إژيلّ  ن  لخدمت  ن  ربّي  حما  أد  إفوكّو  شّعب  نس  زي  دّنوب  نسن.  سّغدتاس  حما  أد  تيسينم  ميمش  تدّوم  غر  إگـنّا

لوقا  

لوقا،  أمازان  ن  ربّي،  لاخ  إتقـّيس  لإنجيل  ن  سيدنا  عيسى  لمسيح.  أوال  ن   لإنجيل  لا  إتعنو  « أنغميس  إژيلّ ».  لإنجيلاد  ن  لوقا  لا  إتقيس  تودرت  ن  لمسيح  د  تلاليت  نس  س  لمُعجِزا  د  لمُعجِزات  نّا  إگا  د  ميمشت  نغان  ميدّن  واخّا  ؤر  إستاهل  لموت.  تـَنـْشْرا  نس  زي  لموت  ضارت  ن   شراض  ن  ووسّان  لاخ  تـّـنعات  إس  إرّا  دّنوب  د  جهنّما  د  شياطين  د  إبليس.  أنغميس  إژيل  إسْد  إدّا  لمسيح  غر  دّونيت  حما  أد  إفوكـّو  ميدن  إمعصيتن  أم  نوكني.

لقيسات

لمسيح  لا  إتقـّيس  لقيسات  أها  يوش  لمِتال  حما  أد  إلمد  لحق  ن  ربّي.  هان  ربعا  زيگسنت.

لقيست  ن  يون  ؤرگاز  د  واراوْ  نّس  س  سين

مشتا  ن  ؤفراح  أيد  إلّان  گ  إگـنّا  أدّاي  إتوب  يوك  إمعصي؟  د  ميدن  نّا  تغالّ  إس  ؤر  حدادجان  أد  توبن؟  لوَجاب  إلّا  گ  لقيستاد.

Les textes suivants vont être disponible dans les mois prochains

تـيـزويـري

لشتاب  أمزوارو  ن  لشتاب  إقـدّسن  د  وين  تورات.  إلـّا  ديگس  تـّوعدل  دّونيت  إلينت  ديگس  لقيسات  ن  تودرت  ن  أدم  د  نوح  د  براهيم  د  إسحاق  د  سماعيل  د  يعقوب  د  يوسف  د  ويياض.

ؤفوغ  (ن  تاروا  ن  إسرائيل)

لشتاباد  ويسِ  سين  ن  لشتاب  إقدّسن  لا  إتـقـّيس  ميمش  إسّوفغ  ربّي  شّعب  نس  زي  تسمغت  گ  مصر  أها  إحرّرتن  زي  تنباط ّ  ن  فِرعون.  لشتاباد  ييويد  إسم  نس  زي  « ؤفوغ »  نّاگ  إسّوفغ  ربي  شعب  نس  زي  تمازيرت  ن  مصر.  ضاراس  إسموتـّر  ربي  شعب  نس  أها  يوشاسن  شّريعا  نّا  إبنان  خف  رّاي  نس.  شريعا  ن  ربي  تدّاد  حما  أد  تنعت  إ  ميدّن  إس  حدادجان  لمسيح.                

أيت  لاوي

لشتاب  ويس  شراض  زي  لشتاب  إقدّسن  ييويد  إسم  نس  زي  لفاميلا  ن  لاوي،  يون  زي  واراوْ  ن  يعقوب  س  تناعش.  إستيتن  ربّي  أد  گان  إنـَبْدادن  حما  أد  عاونّ  ميدّن  أد  عبدن  ربي.  نيتـني  أ  دا  ياكّـان  إ  ربي  تيمغراس  نّاد  تّاوين  ميدّن  حما  أد  محون  دّنوب  ن  ميدّن.  س  تمغراسنّا  أس  دا  تـّيغـيـيـْن  ميدن  أد  قرّبن  غر  ربي  إزدّيگن.

لحساب

لشتاب  ويس  ربعا  لا  إتقـّيس  ميمش  تزلا  تاروا  ن  إسرائيل  گ  لخلا  ألّيگ  كـّان  گ  ؤبريد  غر  تمازيرت  ن  ؤقاول.  لا  نتانّاي  ديگس  أغوّغ  ن  بنادم  خف  ؤنّات  إخلقن  د  ميمش  إنعت  ربّي  تازدگي  نس.

أعاود  ن  شّريعا

لشتاب  ويس  خمسا  زي  لشتاب  إقدّسن  نتـّا  أيد  إگان  أنگـّارو  ن  تورات.  لا  إتـّالس  ديگس  موسى  إ  شّريعا  ( أمشيد  أ  نسمّا  لشتاباد  « شريعا  تيس  سنات »)  أر  إتّـمسافاض  د  شّعب  قبل  أد  كشمن  غر  تمازيرت  ن  ؤقاول.  ديگس  أيد  إقاول  ربّي  أد  يازن  يون  نّبي  أم  موسى  أها  إسّغداس  شعب  كول. 

لقيسات

لمسيح  لا  إتقـّيس  لقيسات  أها  يوش  لمِتال  حما  أد  إلمد  لحق  ن  ربّي.  هان  ربعا  زيگسنت.

أوال  ن  سيدنا  عيسى  خف تادجّوارت

 ميمش  تّيريت  أدجّار  نش؟ لقستاد  لاخ  تاكّا  لوَجاب.

لقيست  ن  تمغرا  تخاتارت

 متّا  ويد  نّا  إتّيلين  حاضرن  گ  لفيشطا  گ  تگلديت  ن  ربّي؟  إس  دا  تّيسيند  إس  تّوعرضت؟  لوَجاب  أ  تّافيث  گ  لقستاد.

لقيست  ن  زاكّا

إس  أد  إغييْ  ربّي  أد  إغفر  إ  بنادم  مي  يوسع  ؤديس  إگ  أموشار؟  لوَجاب  أ  تّافيت  گ  لقيستاد.

إسكّينّ  نّا  گان  إمازانّ

 لشتاب  ن  « إسكّينّ نّا  گان  إمازانّ »،  نّا  إتّـْيـيسين  زگ  لشتاب  ن  ربّي  نّا  إتّوسّفران  س  تمازيغت.  لوقا  أ  دا  إتقّـّيسن  س  ؤقمو  نس  لقيست  ن  تودرت  ن  إمومنّ  إمزوورا  د  تمارا  نّا  غيفسن  إكّان  ضارت  ن  مايد  يولي  سيدنا  عيسى  غر  إگـنّا،  حما  أد  صّيوضن  أوال  نس  إ  ميدّن.

لّيگ  غيفسند  إضر  رّوح  ن  ربي  أر  ساوالن  س  واوال  ن  لگنوس  ضنين،  غالن  ميدن  إس  سوان  شّراب؛  ماشان  يوشاس  ربي  إ  بُطرُس  زّعامت  أداسن  إسّفرو  س  واوال  ن  ربي  أينّا  إجران.  أر  إسّارا  نتّا  د  يُحَـنّا  أر  تبرّاحن  س  إنغميسن  ژيلنين  خف  لمسيح  أها  تّوكرفصن  شيگان.

بولُس  نتا  إكّا  ييسم  نس  شاوُل،  أر  إتّكرفاص  أگراوْ  ن  إمومن،  أر  إتسبّاب  گ  لموت  نسن؛  ماشان  يان  واسّ  إفّغد  غورس  لمسيح  س  إخف  نس  أها  إبدّل  تودرت  نس.  بولُس  تكّا  غيفس  تمارا  
إوعرن  حما  أد  إضاع  تنباطّ  ن  سيدنا  عيسى  لمسيح  ليگ  أس  إنّا: « گيخش  د  أسيدّ  إ  لگنوس  نّا  ؤر  گينين  ؤداين  حما  أنّ  تصّيوضّ  أفوكّو  إ  دّونيت  كول ».   إكّر  بولُس  أر إتكّا  تيميزار  أر  إتبرّاح  س  واوال  ن  ربي،  إصبر  إ  تـْخَنـْدالّاسين  ن  ميدّن  د  تماريوين  نّا  غيفس  سيكّان،  إصبر  أگّد  إ  تيتي  د  لحبس.